နမော တဿ ဘဂ၀တော အရဟတော သမ္မာသမ္ဗုဒ္ဓဿ

၁။ ဟေတုပစ္စယော- အရင်းခံအကြောင်းဖြစ်၍ ကျေးဇူးပြုတတ်သော တရား
(လောဘ၊ ဒေါသ၊ မောဟ၊ အလောဘ၊ အဒေါသ၊ အမောဟ)
ကောင်းသော အလောဘ၊ အဒေါသ၊ အမောဟတရားများသာ အစဉ်ကိန်းအောင်းနိုင်ရပါစေသား။

၂။ အာရမ္မဏပစ္စယော- အာရုံဖြစ်၍ ကျေးဇူးပြုတတ်သော တရား
(ရူပါရုံ၊ သဒ္ဒါရုံ၊ ဂန္ဓာရုံ၊ ရသာရုံ၊ ဖောဌဗ္ဗာရုံ၊ ဓမ္မာရုံ)
ကုသိုလ်ဖြစ်ဖွယ် ကောင်းသောအာရုံများနှင့်သာ တွေ့ကြုံရပါစေသား။

၃။ အဓိပတိပစ္စယော- အကြီးအမှူးခေါင်းဆောင်ဖြစ်၍ ကျေးဇူးပြုတတ်သော တရား
(ဆန္ဒ၊ ၀ီရိယ၊ စိတ္တ၊ ၀ီမံသ(ပညာ))
မိမိသူတစ်ပါး အကျိုးစီးပွါးကို အဓိပတိတရားတပ်၍ အားထုတ်ဆောင်ရွက်နိုင်ရပါစေသား။

၎။ အနန္တရပစ္စယော- အခြားမဲ့ဆက်တိုက်ဖြစ်၍ ကျေးဇူးပြုတတ်သော တရား
ရှေ့ရှေ့စိတ်တို့ကြောင့် နောက်နောက်ကုသိုလ်စိတ်တို့သာ ဖြစ်ပေါ်ရပါစေသား။

၅။ သမနန္တရပစ္စယော- ကောင်းစွာအခြားမဲ့ဆက်တိုက်ဖြစ်၍ ကျေးဇူးပြုတတ်သော တရား
ရှေ့ရှေ့စိတ်တို့ကြောင့် နောက်နောက်ကုသိုလ်စိတ်များသာ ကောင်းစွာဆက်တိုက် ဖြစ်ရပါစေသား။

၆။ သဟဇာတပစ္စယော- အတူတကွဖြစ်၍ ကျေးဇူးပြုတတ်သော တရား
သူတော်ကောင်းတရား၊ သူတော်ကောင်းများနှင့်သာ အတူတကွ ပေါင်းဖော်ရပါစေသား။

၇။ အညမညပစ္စယော- အချင်းချင်း အပြန်အလှန် ကျေးဇူးပြုတတ်သော တရား
မိမိသူတစ်ပါး ကောင်းကျိုးများအောင် အပြန်အလှန် ဆောင်ရွက်နိုင်ရပါစေသား။

၈။ နိဿယပစ္စယော- မှီရာဖြစ်၍ ကျေးဇူးပြုတတ်သော တရား
မိတ်ကောင်းဆွေကောင်း သူတော်ကောင်းများသည် မှီရာအဖြစ် တည်ပါစေသား။

၉။ ဥပနိဿယပစ္စယော- အားကြီးသော မှီရာဖြစ်၍ ကျေးဇူးပြုတတ်သော တရား
သဒ္ဓါ၊ ပညာ၊ နေရာဒေသ၊ မိတ်ကောင်းရ၍ တိုးတက်ပွါးစီး အားကြီးသောမှီရာအဖြစ် တည်ပါစေသား။

၁၀။ ပုရေဇာတပစ္စယော- ရှေ့မှဖြစ်၍ ကျေးဇူးပြုတတ်သော တရား
ကောင်းသောအခွင့်အလမ်းများ အဆင်သင့် ပေါ်ပေါက်နှင့်ပါစေသား။

၁၁။ ပစ္ဆာဇာတပစ္စယော- နောက်မှဖြစ်၍ ကျေးဇူးပြုတတ်သော တရား
ကျောထောက်နောက်ခံ အထောက်အပံ့ကောင်းများအမြဲရရပါစေသား။

၁၂။ အာသေ၀နပစ္စယော- မှီဝဲထုံရာဖြစ်၍ ကျေးဇူးပြုတတ်သော တရား
အဖန်တလဲလဲ ကုသိုလ်စိတ်များနှင့် မိမိကိုယ်ကို ထုံမွှမ်းနိုင်ရပါစေသား။

၁၃။ ကမ္မပစ္စယော- ကုသိုလ်ကံ၊ အကုသိုလ်ကံ စေတနာဖြစ်၍ ကျေးဇူးပြုတတ်သော တရား
ကောင်းသောစေတနာနှင့် မှန်သောအလုပ်များကိုသာ ပြုလုပ်မိပါစေသား။

၁၄။ ၀ိပါကပစ္စယော- အကျိုးဖြစ်၍ ကျေးဇူးပြုတတ်သော တရား
မကောင်းကျိုးများ ပပျောက်၍ ကောင်းကျိုးအနန္တသာ ဖြစ်ပေါ်ပါစေသား။

၁၅။ အာဟာရပစ္စယော- ရုပ်နာမ်အာဟာရအဖြစ် ထောက်ပံ့၍ ကျေးဇူးပြုတတ်သော တရား
ကုသိုလ်ဖြစ်ကြောင်း ရုပ်နာမ်အာဟာရများနှင့်သာ ပြည့်စုံခိုင်ခံ့ရပါစေသား။

၁၆။ ဣန္ဒြိယပစ္စယော- ဆိုင်ရာကိစ္စများ၌ အစိုးရခြင်းဖြင့် ကျေးဇူးပြုတတ်သော တရား
မိမိဆိုင်ရာ အမှုကိစ္စများ၌ အစိုးတရ ဖြစ်ရပါစေသား။

၁၇။ ဈာနပစ္စယော- စူးစူးစိုက်စိုက်နှင့် ဆန့်ကျင်ဘက်ကို ဖျက်ဆီး၍ ကျေးဇူးပြုတတ်သော တရား
အလိုရှိရာကိစ္စများ၌ စူးစိုက်ပြုကာ ဆန့်ကျင်ဘက်ရန်ကို အောင်မြင်နိုင်ရပါစေသား။

၁၈။ မဂ္ဂပစ္စယော- လမ်းဖြစ်၍ ကျေးဇူးပြုတတ်သော တရား
ကုသိုလ်ထိပ်တန်း မဂ္ဂင်လမ်းဖြင့် နိဗ္ဗာန်တိုင်အောင် အန္တရာယ်ကင်းစွာ လျှောက်လှမ်းနိုင်ရပါစေသား။

၁၉။ သမ္ပယုတ္တပစ္စယော- တစ်သားတည်း ယှဉ်ဘက်ဖြစ်၍ ကျေးဇူးပြုတတ်သော တရား
မိမိစိတ်ကို ကုသိုလ်တရားများ၌ အစဉ်ယှဉ်စပ်နိုင်ရပါစေသား။

၂၀။ ၀ိပ္ပယုတ္တပစ္စယော- မယှဉ်ဘဲ ကျေးဇူးပြုတတ်သော တရား
အကုသိုလ်တရား လူမိုက်များနှင့် မယှဉ်မတွဲရပါစေသား။

၂၁။ အတ္ထိပစ္စယော- ရှိပြီးဖြစ်၍ ကျေးဇူးပြုတတ်သော တရား
လောကီ လောကုတ္တရာ နှစ်ဖြာဥစ္စာ ရတနာများ ရရှိပိုင်ဆိုင်ရပါစေသား။

၂၂။ နတ္ထိပစ္စယော- မရှိဘဲ ကျေးဇူးပြုတတ်သော တရား
ရောဂါ ဘေးဘယာ မရှိစွာဖြင့် ကိုယ်စိတ်နှစ်ဖြာ ချမ်းချမ်းသာသာ နေရပါစေသား။

၂၃။ ၀ိဂတပစ္စယော- ကင်း၍ ကျေးဇူးပြုတတ်သော တရား
အနှောင့်အယှက် အန္တရာယ်များ ဖယ်ကာရှောင်ရှား ကင်းကွာပါစေသား။

၂၄။ အ၀ိဂတပစ္စယော- မကင်းဘဲ ကျေးဇူးပြုတတ်သော တရား
ဘ၀သံသရာ ကျင်လည်ရာတွင် ဗုဒ္ဓဘာသာ သာသနာနှင့် မကွာမကင်း ကြုံဆုံရင်းဖြင့် အလင်းဥာဏ်ပေါက် နိဗ္ဗာန်ရောက်အောင် ကျင့်ဆောင်ကြိုးစားနိုင်ရပါစေသား အရှင်ဘုရား…။

[+/-] အပြည့်အစုံဖတ်မယ်...

နေရာမှန်...
6:50 PM | Author: Dhamma Yanant


Dirt is not dirt, but only something in the wrong place.
အညစ်အကြေးဆိုသည်မှာ အညစ်အကြေးမဟုတ်၊ နေရာမှားသော ပစ္စည်းသာ ဖြစ်၏။
အင်္ဂလိပ် ဝန်ကြီးချုပ် 'လော့ဒ် ပေါလ်မာစတန်'

ဆရာအောင်သင်းရဲ့ ရှင်ဘုရင်ပါပဲနှင့် ရွှေပြည်တန်သော ဆောင်းပါးများထဲက 'မှတ်ထား-တဲ့' ဆောင်းပါးမှာ နေရာမှားခြင်းနဲ့ ပတ်သက်ပြီး ဖတ်လိုက်ရတော့ ရုပ်ဝတ္ထု နေရာမှားတော့ အမှိုက်ဖြစ်သလို စိတ်နေရာ မှားရင်လည်း အမှိုက်ဖြစ်သွားတတ်တာပဲလို့ အတွေးရောက်မိပါတယ်။

မြေကြီးပေါ်မှာ ရှိရမယ့် ဖုန်ဟာ မြေကြီးပေါ်မှာ ရှိနေရင် အမှိုက် မဖြစ်ပေမယ့် အသုံးအဆောင်ပစ္စည်း တစ်ခုခုပေါ် ရောက်သွားရင် အမှိုက်ဖြစ်သွားတော့တာပါပဲ။ ခေါင်းပေါ်မှာ အမြတ်တနိုး သထားတဲ့ ဆံပင်ဟာ ထမင်း၊ ဟင်း စတဲ့ စားစရာထဲ ရောက်သွားရင် အမှိုက်အဖြစ် စက်ဆုပ်ရွံရှာတတ်ကြပါတယ်။ ထမင်းပန်းကန်ထဲမှာ ရှိရမယ့် ထမင်းဟာ စာအုပ်ပေါ် ရောက်နေမယ်ဆိုရင်လည်း အမှိုက် ဖြစ်သွားတာပါပဲ။ လူကြီးတောထဲ ကလေးဝင်ရင်လည်း အမှိုက်ဖြစ်တတ်ပါတယ်။ ကလေးတောထဲ လူကြီးဝင်ရင်လည်း အမှိုက်ပါပဲ။ ဘာပဲဖြစ်ဖြစ် ရှိရမယ့်နေရာမှာ ရှိမှသာ တန်ဖိုးရှိပြီး၊ ရှိသင့်တဲ့နေရာမှာ မရှိရင် စက်ဆုပ်စရာ အမှိုက်အဖြစ် တန်ဖိုးမဲ့သွားတတ်ကြပါတယ်။

ဒီလိုပါပဲ။ စိတ်ဆိုတာလည်း ပစ္စုပ္ပန်အာရုံ တည့်တည့်မှာပဲ ကျရောက်နေမယ်၊ သူ့ကို သတိနဲ့ ဖမ်းပြီးသိပေးနေနိုင်မယ်ဆိုရင် တန်ဖိုးရှိပေမယ့် အတိတ်ကိုပြန် အနာဂတ်ကိုကြံပြီး နေရာလွဲနေမယ်ဆိုရင်တော့ များသောအားဖြင့် အကုသိုလ်တွေသာ ပွါးဖို့ဖြစ်ပြီး တန်ဖိုးမဲ့သွားတတ်ပါတယ်။ စိတ်ဟာ အတိတ်အာရုံတွေထဲမှာ ကြိုက်တာလေးတွေ ပြန်တွေးပြီး လောဘ၊ မကြိုက်တာတွေနဲ့ တွေ့တော့ ဒေါသဖြစ်ပြီး အကုသိုလ် အတိုးယူနေမယ်၊ အနာဂတ်အတွက် ကြိုတွေးပြီး သာယာနေမယ်၊ ပူပန်နေမယ်ဆိုရင်တော့ မသန့်ရှင်းတဲ့၊ ညစ်ပတ်နေတဲ့ စိတ်အမှိုက် ဖြစ်သွားမှာပါပဲ။

စိတ်ဆိုတာ အာရုံတစ်ခုတည်းကိုပဲ သိတတ်တဲ့အတွက် မိမိစိတ် ဘာဖြစ်နေတယ်ဆိုတာကို ပစ္စုပ္ပန်တည့်တည့်မှာ လိုက်သိပေးနေနိုင်ရင် တခြားဘာအကုသိုလ်အာရုံမှ ၀င်မလာနိုင်တော့ပါဘူး။ အဲဒါကို နေရာမှန်ရှိတဲ့စိတ်လို့ ဆိုချင်တာပါ။ စိတ်ကို နေရာမှန်နေစေဖို့ဆိုရင် နေရာ အမှန်၊ အမှားကို ခွဲခြားသိတတ်တဲ့ ပညာ လိုပါတယ်။ အဲဒီပညာကိုရဖို့ဆိုရင် စာကောင်းပေမွန်တွေ ဖတ်ခြင်း၊ လေ့လာသင်ကြားခြင်း၊ မိတ်ကောင်း ဆွေကောင်း၊ ဆရာသမားကောင်းများထံမှာ မေးမြန်းဆွေးနွေးခြင်း၊ သူတော်ကောင်းတရား နာကြားခြင်းများ ပြုလုပ်ဖို့ လိုပါလိမ့်မယ်။ နေရာမှန်ကို သိပြီဆိုရင် အဲဒီနေရာ(အာရုံ)မှန်မှာ စိတ်ကို ထားနိုင်ဖို့အတွက် ယောနိသောမနသိကာရနဲ့ မှန်ကန်စွာ နှလုံးသွင်းတတ်ဖို့လိုပါတယ်။ အဲဒီ အာရုံမှန်မှာ ဆက်လက်တည်နေစေဖို့ဆိုရင် သတိအစောင့် လိုပါတယ်။ သတိအစောင့်မြဲအောင် ဝီရိယလေးက ထောက်ပံ့ပေးရပါတယ်။ ပညာနဲ့ ထိန်းညှိထားတဲ့ ၀ီရိယလေးက သေခြင်းကင်းရာ နိဗ္ဗာန်အထိ ပို့ဆောင်ပေးပါလိမ့်မယ်။

ဒါ့အပြင် မိမိကိုယ်တိုင်ကလည်း ကိုယ့်အရည်အချင်းနဲ့ ထိုက်တန်တဲ့နေရာမှာ နေနိုင်ဖို့၊ ကိုယ့်ဂုဏ်ဒြပ်နဲ့ လျော်ညီတဲ့နေရာမှာ နေတတ်ဖို့ လိုပါတယ်။ တချို့သူတွေဟာ ရှေ့သွားခေါင်းဆောင် နေရာမှာလည်း နေနိုင်တဲ့ အရည်အချင်း မရှိလို့ မနေနိုင်။ နောက်လိုက်နေရာမှာလည်း မိမိကိုယ်ကိုယ် အထင်ကြီးပြီး မနေလို။ ရှေ့လိုလို နောက်လိုလိုနဲ့ ကန့်လန့်တိုက်ပြီး အမှိုက်အဖြစ် ရှုပ်တတ်ကြပါတယ်။ အဲဒီလို မရှုပ်ဘဲ ကာယအားသန်တဲ့လူက ကာယအလုပ်နေရာ၊ ဥာဏအားသန်တဲ့လူက ဥာဏအလုပ်နေရာ ကိုယ်ကျွမ်းကျင်ရာ နေရာတွေမှာ ဝင်ရောက်လုပ်ကိုင်ကြမယ်ဆိုရင် အမှိုက် ဖြစ်မလာတော့ဘဲ တန်ဖိုးတက်သွားပါလိမ့်မယ်။

နွားချေး စတဲ့ အညစ်အကြေးတွေကို မြေသြဇာအဖြစ် အသုံးပြုလိုက်တဲ့အခါ၊ စက္ကူစုတ်ကို ပြန်ကြိတ်ပြီး စာအုပ်လုပ်လိုက်တဲ့အခါ၊ ပလတ်စတစ် အမှိုက်တန်ချိန်များစွာကို ဖိအားပေးပြီး လမ်းခင်းလိုက်တဲ့အခါ အမှိုက်ဟာ အမှိုက်မဟုတ်တော့ပါဘူး။၊ ဘီယာဘူးခွံနဲ့ အိမ်ဆောက်တာတွေ၊ ပုလင်းအဖုံးတွေနဲ့ အခန်းအလှဆင်တာတွေ၊ အုန်းခွံတွေနဲ့ အနုပညာလက်ရာပစ္စည်းလေးတွေလုပ်တာတွေ စသဖြင့် နေရာမှန်အောင်သာ ထားတတ်မယ်ဆိုရင် အမှိုက်တောင်မှ အမှိုက်မဟုတ်တော့ဘဲ တန်ဖိုးရှိသွားပါတယ်။ နေရာသာမှန်မယ်ဆိုရင် ဘီလုံးငှက်ငယ်လေးတောင် အနိုင်ကျင့်နေကျ အင်အားကြီးမားတဲ့ သိန်းငှက်ကြီးကို သေပွဲဝင်အောင် စွမ်းနိုင်ပါတယ်။

မင်းကွန်းဆရာတော်ဘုရားကြီးရဲ့ အဆုံးအမ ရှိပါတယ်။ ''ပစ္စုပ္ပန်အချိန်ထက် ကောင်းသောအချိန်မရှိ။ ပစ္စုပ္ပန်အချိန်ကို နိဗ္ဗာန်ထိ အကျိုးရှိအောင် အသုံးချပါ'' တဲ့။ နေရာမှန်တဲ့စိတ်နဲ့ သတိပဌာန်တရား ပွါးများပြီး နိဗ္ဗာန်ကို မျက်မှောက်ပြုနိုင်အောင် ကြိုးစားရမှာပါ။ တစ်ဘ၀စာ၊ တစ်နှစ်စာ၊ တစ်လစာ၊ တစ်ရက်စာ၊ တစ်နာရီစာ၊ တစ်မိနစ်စာတွေ အသာထားပြီး တစ်စက္ကန့်စာလေးပဲ စိတ်ကို နေရာမှန်မှာ ထားကြည့်ပါ။ လုပ်လိုက်သမျှကို အသိကပ် နေကြည့်ခိုင်းတာပါ။ ကြည့်တာ၊ လှမ်းတာ၊ သွားတာ၊ စားတာ၊ သောက်တာ၊ အလုပ်လုပ်တာ စသဖြင့် နေ့စဉ်ကိစ္စအားလုံးကို "ငါ ဒီတစ်စက္ကန့်လေးပဲ စိတ်ကို ပစ္စုပ္ပန်တည့်တည့် နေရာမှန်ကျအောင် ထားမယ်" လို့ တစ်စက္ကန့်ချင်း ပိုင်းပြီး သတိလေးကပ်ထားကြည့်ပါ။ ပစ္စုပ္ပန်တည့်တည့်ထက် မှန်တဲ့နေရာ မရှိပါဘူး။ နေရာမှန်တဲ့စိတ်လေး တစ်ခဏဟာ သံသရာတလျှောက်လုံး နှိပ်စက်လာတဲ့ ထုထည်အင်အားကြီးမားလှတဲ့ ကိလေသာရန်သူတွေကို အပြီးတိုင် ချေမှုန်းသတ်ဖြတ်နိုင်တဲ့အထိ စွမ်းနိုင်ပါတယ်။

ဒါ့ကြောင့် မိမိတို့အနေနဲ့ လူ့အမှိုက်မဖြစ်ချင်ကြလို့ လူမှန်၊ နေရာမှန်ဖြစ်အောင် ကြိုးစားကြသလို မိမိတို့ရဲ့ စိတ်ကလေးကိုလည်း သတိပဌာန် ၀ိပဿနာနဲ့ စိတ်မှန်၊ နေရာမှန် ဖြစ်အောင် ထားနိုင်ဖို့ ကြိုးစားကြည့်ရအောင်။ အတွင်းနေရာကိုသာ မှန်အောင်ထားတတ်ပြီး စိတ်ပါမယ်ဆိုရင် အပနေရာတိုင်းဟာ တရားအားထုတ်ရာ ရိပ်သာတွေချည်းပဲ မဟုတ်ပါလား...။

[+/-] အပြည့်အစုံဖတ်မယ်...

တန်ဖိုး...။
8:46 AM | Author: Dhamma Yanant


အအားနေရင် အလကားလူ
မတရားသေချင် အမှားထူ
အနားယူကာ အချိန်တွေ ဖြုန်းရင်ဖြင့်
သနားသူကယ် ဘယ်… မတတ်နိုင်ဘူး
တရားကူ ကိုယ်တိုင်မတ်ပါမှ
တက်လိမ့်တန်ဖိုး .....။


[+/-] အပြည့်အစုံဖတ်မယ်...

အနားသတ် ကမ်း...။
8:34 PM | Author: Dhamma Yanant


ငါတို့ဟာ… အ၀ိဇ္ဇာဟင်းလင်းပြင်ထဲက
အမှုန်အမွှား ကြယ်လေးတွေပါ
ဘ၀ရဲ့ဆင်းရဲတွေကို အကြောက်အလန့်မရှိ
သုခနဲ့ ရွှန်းလက်ထွန်းလင်းခဲ့ချင်ကြတော့
ဒုက္ခတွေကပဲ ဖွဲ့ကျအုံ့ဆိုင်း မှိုင်းရီခဲ့…။

ငါတို့က… မအောင်နိုင်တဲ့ စာမေးပွဲကိုမှ
ဂုဏ်ထူးနဲ့ ပထမရချင်နေသူတွေလေ
အနိုင်မရဖူးတဲ့ အိုနာသေဘေးကို အံတုရင်း
လောကဓံရဲ့ ရယ်သံချိုအောက်မှာ မိန်းမောမိကြတော့
မှတ်တိုင်မဲ့ လမ်းပျောက်ခရီးသည်တွေ ဖြစ်ခဲ့ကြ…။

နောက်ဘ၀အထိ အနှောင့်အယှက်ဖြစ်စေမယ့်
ဆန္ဒတွေနဲ့ ရွေးချယ်မိုက်မှားမိခဲ့ကြ
ငါတို့ကပဲ ဆုတောင်းတွေ မှားခဲ့တာလား
ဆုတောင်းတွေကပဲ ငါတို့ကို မှားယွင်းသွားစေခဲ့တာလား
ဘယ်လောက်ဆိုးလိုက်တဲ့ မသိမှုလဲကွယ်…။

မသိလို့မပြင်၊ မပြင်လို့မသိ
စူးရှနက်ရှိုင်းတဲ့ အသိဥာဏ်တွေနဲ့
သံသရာဝဲဂယက်က ရုန်းထွက်လို့
စုန်ပြီးခဲ့တဲ့ ဘ၀ပေါင်းများစွာအတွက်
အဆန်လမ်းလေးချက်နဲ့ ချေဖျက်ဖို့ ကြိုးစားကြမယ်လေ…။

ကိလေသာမီးတောက်တွေရဲ့ အေးငြိမ်းရာ
သံယောဇဉ်အစွဲအလမ်းတွေရဲ့ ပြတ်ငြိမ်းရာ
ဒုက္ခဆင်းရဲတွေရဲ့ ချုပ်ငြိမ်းရာ
အနှိုင်းမဲ့ အဆုံးသတ် အငြိမ်းဓာတ်တစ်ခုက
(ဟိုးရှေ့မှာ…) ငါတို့ကို ကြိုလင့်နေလေရဲ့…။

[+/-] အပြည့်အစုံဖတ်မယ်...

ဘ၀ပေါင်းများစွာ...
4:41 PM | Author: Dhamma Yanant


ဆိတ်တစ်ကောင်သတ်မိလို့ ဆိတ်မွေးနှင့် အညီအမျှ ဘဝပေါင်းများစွာ ပြန်ပြီးအသတ်ခံရတယ်၊ ဆင်းရဲဒုက္ခတွေ ခံစားရတယ်။ ပန်းတစ်ပွင့်လှူ၊ ကြံတစ်ချောင်းလှူ၊ ရေလေးတစ်ခွက်လှူရုံနဲ့ ရှင်ဘုရင်ဘဝ၊ နတ်သား၊ နတ်သမီးဘဝ ရတယ်။ ဘဝပေါင်းများစွာ ချမ်းသာခံစားရတယ်ဆိုတော့ ဖြစ်နိုင်ပါ့မလား။ ဟုတ်မှ ဟုတ်ပါ့မလား။ မပိုလွန်းဘူးလား။ တစ်ကြိမ်တစ်ခါလေး ပြုမိတဲ့ ကောင်းမှု၊ မကောင်းမှုက ဘဝပေါင်းများစွာ ဒီလောက်ကြီးတောင်မှ အကျိုးပေးနိုင်ပါ့မလားလို့ တွေးမိကြလိမ့်မယ် ထင်ပါတယ်။ ဟုတ်ကဲ့..... ပေးနိုင်ပါတယ်။ နောက်ဘ၀ပေါင်းများစွာကျမှ မဟုတ်ပါဘူး။ အခုလုပ်ရင် အခုချက်ချင်း(စက္ကန့်မခြား)တောင် အကျိုးပေးနိုင်ပါတယ်...။

ရှင်းပြပါဦးမယ်။ ဗုဒ္ဓ အဘိဓမ္မာအရ-

၁- စက္ကန့်မှာ - စိတ်ပေါင်း ကုဋေ (၁) သိန်း ဖြစ်ပျက်နေပါတယ်။
ကုဋေ-၁-သိန်း = ၁,ဝဝဝ,ဝဝ ဝ,ဝဝဝ,ဝဝဝ

၁- စက္ကန့်မှာ - ရုပ်ပေါင်း ကုဋေ (၅၈၈၂)ကျော် ဖြစ်ပျက်နေပါတယ်။
ကုဋေ (၅၈၈၂) ကျော် = ၅၈၈၂ ၃,၅၂၉,၄၁၁

၁- စက္ကန့်မှာ - ဝီထိ (စိတ်အစဉ်) ပေါင်း ကုဋေ (၅၈၈၂)ကျော် ဖြစ်ပျက် နေပါတယ်။

၁- စက္ကန့်မှာ - အကျိုးပေးနိုင်တဲ့ ဇောစေတနာပေါင်း ကုဋေ (၄၁,၁၇၆)ကျော် ဖြစ်ပျက်နေပါတယ်။
ကုဋေ (၄၁၁၇၆) ကျော် = ၄၁၁၇၆ ၄,၇ဝ၅,၈၈၁

၁- စက္ကန့်မှာ - ယခုမျက်မှောက်ဘဝမှာတွင် အကျိုးပေးနိုင်တဲ့ ပထမဇော စေတနာပေါင်း ကုဋေ (၅၈၈၂)ကျော် ဖြစ်ပျက်နေပါတယ်။

၁- စက္ကန့်မှာ - ဒုတိယဘဝ(နောက်ဘဝ)မှာ အကျိုးပေးနိုင်တဲ့ သတ္တမဇော စေတနာပေါင်း ကုဋေ (၅၈၈၂)ကျော် ဖြစ်ပျက်နေပါတယ်။

၁- စက္ကန့်မှာ - တတိယဘဝကစပြီး နိဗ္ဗာန် မရမချင်း အကျိုးပေးနိုင်တဲ့ အလယ်ဇော စေတနာပေါင်း ကုဋေ (၂၉,၄၁၁)ကျော် ဖြစ်ပျက်နေပါတယ်။
ကုဋေ (၂၉,၄၁၁) ကျော် = ၂၉၄၁၁ ၇,၆၄၇,ဝ၅၈

(၁) စက္ကန့်မှာဖြစ်တဲ့ စိတ်စေတနာတွေမှာ ဘဝကို ဖြစ်စေနိုင်တဲ့ စိတ်စေတနာ ကုဋေပေါင်း - ၃၅၂၉၄ ကျော်ရှိသည်။
ကုဋေပေါင်း - ၃၅၂၉၄ ကျော် = ၃၅၂၉၄ ၁,၁၇၆,၄၇ဝ

ဒီလိုဖြစ်နေတဲ့ အတွက်ကြောင့်---
ဆိတ်တစ်ကောင်ကို သတ်ဖို့ စိတ်ကူးပေါက်တဲ့အချိန်၊ မသတ်ခင်မှာ ပြင်ဆင်နေတဲ့ အချိန်၊ သတ်တဲ့အချိန်၊ သတ်ပြီး စိတ်ထဲမှာ ပြန်ပေါ်နေတဲ့အချိန် စတာတွေဟာ အချိန်ဘယ်လောက် ကြာနေမလဲ။ ဇောပေါင်း ဘယ်လောက် စောနေမလဲ- စဉ်းစားကြည့်နိုင်ပါတယ်။ ဆိတ်မွေးကမှ နည်းနေပါဦးမယ်။ စောသွားလိုက်မယ့် အကုသိုလ်ဇောတွေက ကုဋေ အနန္တလောက် ဖြစ်နေပါပြီ။ ကုသိုလ်ပြုချိန်မှာလည်း ဒီနည်းတူပဲ ဇောပေါင်း ဘယ်လောက် အားကောင်းစွာ ဖြစ်နေမလဲလို့ စိစစ်ကြည့်နိုင်ပါတယ်။

ရေကို လှူသည်ဖြစ်စေ၊ ရွှေကို လှူသည် ဖြစ်စေ၊ ခြင်ကို သတ်သည် ဖြစ်စေ၊ ဆင်ကို သတ်သည်ဖြစ်စေ ကုသိုလ်၊ အကုသိုလ်ပြုဖို့ အားထုတ်ရတဲ့အချိန် ကြာရင် ကြာသလောက်၊ ဇောစေတနာ အားကောင်းရင် အားကောင်းသလောက် အကျိုးပေး အနည်း၊ အများ ကွာသွားတာပါ။ တစ်ခု ပြောစရာရှိတာက မိမိတို့တတွေဟာ အကုသိုလ်ဖြစ်စရာရှိရင် (ဥပမာ- ဒေါသဖြစ်တဲ့အခါ) အူလှိုက် သည်းလှိုက် (တချို့များ မီးကုန် ယမ်းကုန်) တရစပ် တခြားဘာစိတ်မှ မ၀င်ဘဲ အချိန်အတော်ကြာ ထပ်ကာထပ်ကာ ဖြစ်ကြပါတယ်။ တချို့များ အခုတွေးရင် အခုစိတ်တိုတယ်။ တော်နေမှတွေးရင် တော်နေမှ စိတ်တိုတယ်လို့ကြွေးကြော်ပြီး အကုသိုလ်ဒေါသဇောကို တစ်ချိန်တည်းစောရတာ အားမရလို့ အတိုးကြီးကြီးပါ ယူထားလိုက်ပါသေးတယ်။ အဲ... ကုသိုလ်လုပ်တဲ့အခါမှာတော့ (ဥပမာ- ဘုရားရှိခိုးတစ်ပုဒ်ဆုံးအောင်တောင်) အာရုံမပြန့်ဘဲ တစ်ချိန်လုံး ကုသိုလ်စိတ်ဖြစ်နေတာက ခပ်ရှားရှားပါ။ အလှူဒါနပြုတဲ့အခါ၊ သီလဆောက်တည်ထားတဲ့အခါ၊ ဘာဝနာပွါးနေတဲ့ အခါ(တချို့)တွေလည်း ဒီအတိုင်းပါ။ ဒီလို အဖြစ်များတဲ့ အကုသိုလ်ကြောင့်လည်း မကောင်းတာပဲ များများကြုံတွေ့ကြရတာပါ။

ကောင်းမှု၊ မကောင်းမှုတွေဟာ အချိန်နဲ့အမျှနီးပါး ကာယဒွါရ၊ ဝစီဒွါရ၊ မနောဒွါရတွေမှာ ဖြစ်ပွားနေကြတာပါ။ ရေများ ရေနိုင်၊ မီးများ မီးနိုင် ဆိုတဲ့ လောကသဘာဝအရ အားကြီးတဲ့ကံတွေက အရင်ဆုံး အကျိုးပေးကြပါတယ်။ ဒါကြောင့် မကောင်းမှုများ ပြုမိရင် ဇော စေတနာတွေ လျော့ရဲ နည်းပါးလေ ကောင်းလေပါ။ ကောင်းမှု ပြုရာမှာတော့ ဇောစေတနာတွေ အားကြီး များပြားနေစေဖို့ အရေးကြီးပါတယ်။ ဒီအတွက်ကလည်း မခက်ပါဘူး။ ဗုဒ္ဓဟောကြားထားတဲ့ သမ္မပ္ပဓာန်နည်းလမ်းနဲ့အညီ နေလိုက်ရုံပါပဲ။

သမ္မပ္ပဓာန် လေးပါးရှိပါတယ်။
(၁) ဖြစ်ပြီးသား အကုသိုလ်တွေကို ပယ်ရပါမယ်။ (အတတ်နိုင်ဆုံး မေ့ပျောက်ထားရပါမယ်။ ပြန်တွေးနေတာဟာ အကုသိုလ်အတိုးယူနေတာပါ။)
(၂) မဖြစ်သေးတဲ့ အကုသိုလ်တွေကို မဖြစ်စေရပါဘူး။
(၃) မဖြစ်သေးတဲ့ ကုသိုလ်တွေကို ဖြစ်စေရပါမယ်။
(၄) ဖြစ်ပြီးသား ကုသိုလ်တွေကို တိုးပွါးစေရပါမယ်။ (အတတ်နိုင်ဆုံး သတိရ ၀မ်းမြောက်ပေးနေရပါမယ်။ ကုသိုလ်အတိုးယူတာပါ။)

ဒီတော့... မိမိတို့ (၁)စက္ကန့်မျှ ပြုမိတဲ့ ကံဟာ ဘဝပေါင်းများစွာ အကျိုးပေးနိုင်တယ်လို့ သိပြီဆိုရင် ဘယ်လို ဘဝပေါင်းများစွာကို လိုချင်ပါသလဲ...။ ကောင်းတဲ့ ဘဝပေါင်းများစွာလား။ မကောင်းတဲ့ ဘဝပေါင်းများစွာလား။ ဘယ်လို ဘဝမျိုးပဲ ဖြစ်ဖြစ် ဘဝတစ်ခုဟာ ဆင်းရဲတစ်ခုပဲလို့ မြင်နိုင်တဲ့ အသိဥာဏ်များ ရှိလာမယ်ဆိုရင် ဘဝမရှိမှ ဆင်းရဲငြိမ်းမှာ ဖြစ်တဲ့အတွက် ဘဝမရှိအောင် ဘယ်လိုလုပ်ကြမလဲ။ ဒါဆိုရင်တော့ ကံပြတ်မှ ဘဝပြတ်မှာဖြစ်တဲ့အတွက် ကံဖြတ်ဖို့ ဗုဒ္ဓပေးထားတဲ့ ဝိပဿနာ ဘာဝနာနည်းလမ်းနဲ့ ကြိုးစားကြရုံပဲ ရှိပါတော့တယ်။

- မကောင်းတဲ့ ဘဝပေါင်းများစွာရဖို့ အထူးအားမထုတ်ရတဲ့ အမြဲလျှောက်နေကျ ပြန့်ပြူးချောမွေ့တဲ့ လမ်းမကြီးက တစ်လမ်း၊
- ကောင်းတဲ့ ဘဝပေါင်းများစွာရဖို့ အားထုတ်ပြီး တစ်ခါတစ်ရံမှ သွားမိတဲ့ လမ်းကတစ်လမ်း၊
- ဘယ်ဘဝကိုမှ ထပ်မရစေတော့ဖို့ အထူးအားထုတ် ခုတ်ထွင်ရှင်းလင်းပြီး သွားရတဲ့ လမ်းကတစ်လမ်း
... ဆိုပြီး အတုမရှိ လမ်းပြခေါင်းဆောင် ဖြစ်တော်မူတဲ့ ဗုဒ္ဓမြတ်စွာက ညွှန်ပြပြီးဖြစ်လို့ မိမိတို့အနေနဲ့ ကြိုက်ရာလမ်းကို ရွေးချယ်နိုင်ပါပြီ။ စာဖတ်သူတို့အနေနဲ့ ဘယ်လမ်းကိုများ ရွေးချယ်ကြမှာပါလိမ့်...။ ဘ၀ပြတ်လမ်းကို မလျှောက်နိုင်သေးသရွေ့ ရှိနေဦးမယ့် ဘ၀ပေါင်းများစွာအတွက် ဘယ်လိုများ ပြင်ဆင် ဖြတ်သန်းကြမှာပါလိမ့်...။

[+/-] အပြည့်အစုံဖတ်မယ်...


လူတိုင်း မျှော်လင့်ချက်နဲ့ အသက်ရှင်နေကြတယ်၊ ဘ၀ကို မျှော်လင့်ချက်နဲ့ အသက်ဆက်နေကြတယ်လို့ ဆိုလေ့ရှိကြပါတယ်။ မျှော်လင့်ချက်နဲ့ သံသရာလည်နေကြတယ်လို့ဆိုရင် ပိုမှန်ပါလိမ့်မယ်။
အစားအသောက်ရဖို့ မျှော်လင့်ရတယ်။
အဝတ်အထည်ရဖို့ မျှော်လင့်ရတယ်။
နေရာထိုင်ခင်းရဖို့ မျှော်လင့်ရတယ်။
ချစ်ခြင်းမေတ္တာရဖို့ မျှော်လင့်ရတယ်။
အောင်မြင်မှုရဖို့ မျှော်လင့်ရတယ်။
ချမ်းသာဖို့ မျှော်လင့်ရတယ်။
ကျန်မာရေးကောင်းဖို့ မျှော်လင့်ရတယ်။
အစရှိတဲ့ မရေမတွက်နိုင် များစွာသော မျှော်လင့်ချက်တွေနဲ့ ဘ၀ကို လည်ပတ်နေကြပါတယ်။

တစ်စုံတစ်ခု၊ တစ်စုံတစ်ရာ၊ တစ်စုံတစ်ယောက်ကို မျှော်လင့်ကြတယ်။ ရုပ်ဝတ္ထု ပစ္စည်းတွေကိုသာမက အရေးပေးခံရမှု၊ ဂရုစိုက်ခံရမှု၊ ကြင်နာယုယမှု၊ ထင်ပေါ်ကျော်ကြားမှု၊ မြတ်နိုးအလေးထားမှု-- စတာတွေကို ရဖို့လည်း မျှော်လင့်နေကြတယ်။ မျှော်လင့်ချက် မရှိရင်၊ မျှော်လင့်ချက် ပျောက်ဆုံးရင်၊ မျှော်လင့်ချက် ကင်းမဲ့ရင် ကိုယ့်ကိုယ်ကို မကျေနပ်ကြပါဘူး။

ကိုယ်မျှော်လင့်တဲ့အတိုင်း ဖြစ်မလာမှသာ ဆင်းရဲရတယ်လို့ ထင်တတ်ကြပါတယ်။ မျှော်လင့်တဲ့အတိုင်း ဖြစ်မလာခင် မျှော်ရခြင်းဆိုတဲ့ ဒုက္ခ၊ အတိုင်းအတာတစ်ခုထိ အချိန်ကို စောင့်(လင့်)ရခြင်းဆိုတဲ့ ဒုက္ခ။ ဒါတွေဟာ အလွန်ကြီးမားတဲ့ ဒုက္ခတွေပါ။ အရေးပါရင် ပါသလောက် ကိုယ်ပိုင်း၊ စိတ်ပိုင်းဆိုင်ရာ ရောဂါတွေကိုတောင် ဖြစ်စေတတ်ပါတယ်။ ဒီဒုက္ခကြီးတွေကို ကိုယ်မျှော်လင့်သလို ဖြစ်လာရင် မေ့ပျောက်ပစ်လိုက်ကြပါတယ်။ မျှော်လင့်သလို ဖြစ်မလာရင်တော့ ဆတိုးပြီး ဆင်းရဲကြပါတော့တယ်။ မျှော်လင့်ချက် ကြီးရင် ကြီးသလောက် ဆင်းရဲကြီးပါတယ်။ မျှော်လင့်ချက်များရင် များသလောက် ဆင်းရဲများပါတယ်။ မျှော်လင့်ချက်နည်းရင် နည်းသလောက် ဆင်းရဲပေါ့ပါတယ်။ မျှော်လင့်ချက် လုံးဝမရှိရင် ဆင်းရဲလည်း လုံးဝမရှိနိုင်တော့ဘူးလို့ရော တွေးမိဖူးပါရဲ့လား။ မိမိတို့ ပုထုဇဉ်တွေအနေနဲ့ကတော့ မျှော်လင့်ချက် မရှိရင် လုံးဝမနေတတ်ကြပါဘူး။ မျှော်လင့်ချက်မရှိတဲ့ ဘ၀က အဓိပ္ပါယ်မဲ့တယ်လို့တောင် ထင်ကြပါတယ်။

မျှော်လင့်ချက် လုံးလုံးမရှိရာ ဆိုတာကတော့ နိဗ္ဗာန်ပဲ ဖြစ်ပါတယ်။ နိဗ္ဗာန်ရောက်မှပဲ မျှော်လင့်ချက်အားလုံး လုံးဝချုပ်ငြိမ်း ကုန်ဆုံးသွားမှာပါ။ မျှော်လင့်ချက်အားလုံး လုံးဝချုပ်ငြိမ်း ကုန်ဆုံးသွားမှလည်း နိဗ္ဗာန်ကို ရောက်နိုင်ပါတယ်။ မျှော်လင့်ချက် (ပဏိဟိတ)ဆိုတာ အမှန်တကယ်တော့ လောဘရဲ့ အမည်ပါ။ မျှော်လင့်ချက် မရှိခြင်း (အပ္ပဏိဟိတ)ဆိုတာက နိဗ္ဗာန်ရဲ့ အမည်ဖြစ်ပါတယ်။ လောဘအမြစ်ဆိုတာ ရဟန္တာဖြစ်မှ အကုန်အစင် ပြုတ်တာပါ။ မိမိတို့ ဗုဒ္ဓဘာသာဝင်တွေ လျှောက်လှမ်းနေတဲ့ လမ်းကြောင်းကလည်း တစ်ချိန်မှာ ရဟန္တာဖြစ်ပြီး နိဗ္ဗာန်မျက်မှောက်ပြုနိုင်ရေးဖြစ်တဲ့အတွက် မသိခဲ့စဉ် အချိန်တွေကိုတော့ မတတ်နိုင်ပါဘူး။ သိလာတဲ့အခါမှာတော့ နည်းနည်းလောက်လေးဖြစ်ဖြစ် အသိတရားနဲ့ သတိထားပြီး ပြင်ကြည့်ပါ။ ကိုယ်၊ စိတ်ပူလောင်ရမှာကို ကြောက်ရင် မျှော်လင့်ချက်တွေ အတတ်နိုင်ဆုံး လျှော့ချပစ်ဖို့ လိုပါတယ်။ မျှော်လင့်ချက်ကိုပဲ လျှော့စေချင်တာပါ။ ကြိုးစားမှု ဝီရိယကို လျှော့ခိုင်းတာ မဟုတ်ပါဘူး။ တချို့သူတွေဟာ မျှော်လင့်ချက် မရှိလို့ဆိုပြီး ဘာမှ မလုပ်ဘဲ အလကားနေတတ်ကြပါတယ်။

မိမိတို့ မျှော်လင့်နေကြတယ် ဆိုရာမှာလည်း အကျိုးကိုပဲ မျှော်လင့်နေကြတာပါ။ အမှန်အားဖြင့်တော့ အကြောင်းကိုလုပ်ရင် အကျိုးက မျှော်လင့်သည် ဖြစ်စေ၊ မမျှော်လင့်သည် ဖြစ်စေ မုချရမှာပါပဲ။ မိမိတို့အနေနဲ့ ပုံမှန် ကြိုးစားနေရင် အောင်မြင်မှုဆိုတာ မျှော်လင့်စရာ မလိုဘဲ ရမှာပါပဲ။ မိမိက သူတစ်ပါးကို အရေးပေးဆက်ဆံရင် မိမိကို အရေးပေးဆက်ဆံမှုတွေ အလိုလို ရပါလိမ့်မယ်။ မိမိက မေတ္တာထားရင် မိမိထံလည်း မေတ္တာရောင်ပြန်တွေ ရောက်လာမှာပါပဲ။ ကိုယ့်ဘက်ကသာ အကောင်းဆုံး အကြောင်းတရားတွေ ပြုလုပ်နေမယ်ဆိုရင် အကောင်းဆုံး အကျိုးတရားတွေဆိုတာ မျှော်လင့်စရာကိုမလိုဘဲ အလိုလို ရောက်လာမှာပါ။

ဒီတော့... မိမိတို့အနေနဲ့ရော ဘယ်သူ့ဆီကပဲဖြစ်ဖြစ်၊ ဘာတွေပဲဖြစ်ဖြစ် ၊ ဘယ်သူ့အတွက်ပဲဖြစ်ဖြစ် ဘာတွေကို မျှော်လင့်နေမိပါသလဲ...?။
အောင်မြင်မှုတွေလား...၊ အရေးပါ အရာရောက်မှုတွေလား...၊ ချစ်ခြင်းမေတ္တာတွေလား...?၊
ကိုယ့်ကိုယ့်ကို ဆန်းစစ်ကြည့်ပြီးရင် ကိုယ်၊ စိတ်ချမ်းသာအောင် နေနိုင်ဖို့၊ မီး အလောင်ခံရမှုတွေ ပါးသွားစေဖို့၊ တောင့်တမိလို့ ကျရတဲ့ မျက်ရည်ပူတွေ ခမ်းစေဖို့ မျှော်လင့်ချက်တွေကို လျှော့ချပစ်ကြပါစို့။

မျှော်လင့်ချက် မရှိခြင်း၊ မျှော်လင့်ချက် မထားခြင်းဆိုတာကပဲ အကောင်းဆုံး ငြိမ်းအေးဆေး မဟုတ်ပါလား။

[+/-] အပြည့်အစုံဖတ်မယ်...


ကံလမ်း၊ ဈာန်လမ်း၊ ဉာဏ်လမ်းဆိုပြီး လမ်းသုံးသွယ် ရှိပါတယ်။ ဒါနနဲ့ သီလဟာ ကံလမ်းပါ။ လူ့ပြည်၊ နတ်ပြည် ရောက်စေနိုင်ပါတယ်။ သမထက ဈာန်လမ်းပါ။ ဗြဟ္မာ့ပြည်ထိ ရောက်စေနိုင်ပါတယ်။ ၀ိပဿနာကတော့ ဉာဏ်လမ်းပါ။ လူ့ပြည်၊ နတ်ပြည်၊ ဗြဟ္မာ့ပြည်မက နိဗ္ဗာန်အထိ ရောက်စေနိုင်ပါတယ်။ ရုပ်နာမ်သင်္ခါရ တရားတွေဆိုတာ အမြဲတမ်း ဖောက်ပြန်ပြောင်းလဲ ပျက်စီးနေကြပါတယ်။ မပျက်တဲ့ အမြဲထာဝရ အေးငြိမ်း ချမ်းသာမှုသဘော အသင်္ခတဓာတ် နိဗ္ဗာန်ကို မဂ်ဉာဏ်နဲ့ မျက်မှောက်ပြုနိုင်ဖို့အတွက် အပျက်သင်္ခတတွေဖြစ်တဲ့ စိတ်၊ စေတသိက်၊ ရုပ်ဆိုတဲ့ ရုပ်နာမ်သင်္ခါရတွေကို သိမြင်ဖို့ လိုအပ်ပါတယ်။ ဖောက်ပြန်ပြောင်းလဲ ပျက်စီးနေတဲ့ ရုပ်၊ နာမ်ဓမ္မ သင်္ခါရတရားတွေကို ဖောက်ပြန်ပြောင်းလဲ ပျက်စီးနေတဲ့အတိုင်း မြင်အောင်၊ ထင်အောင်၊ သိအောင် အားထုတ်ရှုပွားတာကိုပဲ ဝိပဿနာရှုတယ်လို့ ခေါ်ပါတယ်။ ၀ိပဿနာလို့ ဆိုလိုက်တာနဲ့ သတိပဌာန်က တွဲပါပြီးသားပါ။ သတိပဌာန် မပါဘဲ ၀ိပဿနာ အားထုတ်ဖို့ မဖြစ်နိုင်ပါဘူး။ သတိပဌာန်လေးပါး ဒေသနာစည်းကမ်းနဲ့ အညီပဲ ၀ိပဿနာ ရှုပွါးရပါမယ်။ သတိပဌာန်မှ လွတ်တဲ့ ၀ိပဿနာရှုနည်းဆိုရင်လည်း အဓမ္မ၀ါဒပဲ ဖြစ်ပါလိမ့်မယ်။

(တရားတစ်ပုဒ်နာရုံနဲ့ အပါယ်ပိတ်မယ် ဆိုတာကို ယုံကြည်ကြသူများ စဉ်းစားကြည့်စေချင်ပါတယ်။ တကယ်တမ်း အပါယ်ပိတ်တယ်ဆိုတာ သောတာပတ္တိမဂ်ဉာဏ် ရမှပါ။ သောတာပတ္တိမဂ်ဉာဏ် ရဖို့ဆိုတာကလည်း ၀ိပဿနာအားထုတ်ပြီး ဖြစ်ပျက်မြင်မှပါ။ ၀ိပဿနာရှုပွါးမှုမပါ တရားနာရုံသက်သက်ကတော့ ဗဟုသုတပဲ ရပါလိမ့်မယ်။ ပိဋကတော်ထဲမှာ ဂါထာတစ်ဂါထာဆုံးတာနဲ့ အရိယာဖြစ်သွားကြတယ်ဆိုတာ ဟေတုသမ္ပတ္တိ (အကြောင်းရဲ့ ပြည့်စုံခြင်း = ဘ၀ ဘ၀က ဖြည့်ကျင့်ခဲ့တဲ့ ပါရမီတွေရဲ့ ပြည့်စုံခြင်း) ကြောင့်ပါ။ ဒါတောင်မှ အဲဒီ့လို ဂါထာတော်ကို နာနေရင်း အချိန်တိုလေးမှာပဲ ၀ိပဿနာရှုပွါးလိုက်လို့ပါ။ မိမိတို့က နေ့စဉ်နဲ့အမျှ လောဘ၊ ဒေါသ၊ မောဟတွေ များ၊ ငရဲကျမှာတော့ ကြောက်။ ပါရမီက ဘယ်ဆီမသိ၊ အပါယ်ပိတ်ချင်ဇောနဲ့ အပြေးအလွှား သွားတရားနာ။ ဗဟုသုတရရုံဆိုရင်တော့ ကိစ္စမရှိပါ။ တရားလည်းဆုံး ငါတော့ အပါယ်ပိတ်ပြီ။ သောတာပန်ဖြစ်ပြီ။ လုပ်ချင်တာ လုပ်လို့ရပြီ ဆိုပြီး ထင်ရာတွေ စိုင်းကုန်မှာ စိုးရပါတယ်။ ကြားဖူးတာလေး ပြောချင်ပါတယ်။ ဒကာကြီးတစ်ယောက် အဲဒီ့လို တရားသွားနာပြီး အပါယ်ပိတ်ပြီလို့ ကိုယ့်ကိုယ်ကို ယုံကြည်ထားပါသတဲ့။ တစ်နေ့တော့ သူ့အိမ်ကို ဧည့်သည်တစ်ယောက် ညကြီး အချိန်မရှိမှ ရောက်လာပါတယ်။ ဧည့်သည်ကလည်း ဧည့်ကောင်း၊ ထမင်းကလည်း မစားခဲ့ရသေးဘူးပြော၊ ဆိုင်တွေကလည်းပိတ် ဘာမှဝယ်လို့မရတဲ့ အခြေအနေဆိုတော့ ဒကာကြီးက သူ့အိမ်ကမွေးထားတဲ့ ကြက်တွေကို မျက်စောင်းထိုးကြည့်ပြီး မိန်းမနဲ့ သားသမီးတွေကို ဆိုလိုက်တာကတော့ - ကဲ..ကဲ မင်းတို့ ဝေးရာသွားနေကြ။ တော်ကြာ အသံဗလံတွေ ကြားနေရလို့ အကုသိုလ် ဖြစ်နေရဦးမယ်။ အဖေကတော့ အပါယ်တံခါး ပိတ်ပြီးသားဆိုတော့ ပြဿနာ မရှိဘူး။ ဒီကြက်ကို အဖေ့ဘာသာ ကြည့်လုပ်လိုက်ပါမယ် တဲ့။ အင်း.... ဆရာမှားလို့ တစ်သံသရာလုံး မှောက်ရတော့မှာပဲနော်။)

ရုပ်နာမ်ကို ၀ိပဿနာရှုပွါးတဲ့အခါ သတိနဲ့လည်း အဖန်တလဲလဲ ရှုပွါးရပါတယ်။ သမာဓိနဲ့လည်း အဖန်တလဲလဲ ရှုပွါးရပါတယ်။ ပညာနဲ့လည်း အဖန်တလဲလဲ ရှုပွါးရပါတယ်။ အဲဒီ့လို ရှုတဲ့အခါမှာလည်း ရှုရှုချင်း ၀ိပဿနာပညာ ဖြစ်တာမဟုတ်ပါဘူး။ ရှုပွါးစမှာတော့ သတိနဲ့ပဲ အထပ်ထပ် ပွါးရပါမယ်။ သတိအားကောင်းလာတဲ့အခါ သမာဓိ ဖြစ်လာပါတယ်။ သမာဓိအားကောင်းလာတဲ့အခါ ပညာ ဖြစ်လာပါတယ်။ စပြီးရှုစဉ်မှာ သတိနဲ့စရတဲ့အတွက်၊ သတိပြည့်စုံမှ သမာဓိ၊ ပညာရနိုင်တဲ့အတွက်‌၊ သတိသာလျှင် အဓိကပြဌာန်းတဲ့အတွက် သမာဓိပဌာန်၊ ပညာပဌာန်ရယ်လို့ မရှိဘဲ သတိပဌာန်သာ ရှိရတာပါ။ သတိအားကောင်းမှ သမာဓိ၊ ပညာ အဆင့်ဆင့် ရနိုင်တဲ့အတွက် ၀ိပဿနာနဲ့ သတိပဌာန် ခွဲလို့မရဘူးလို့ ဆိုခဲ့တာပါ။

သတိပဋ္ဌာန် (၄)ပါးရှိတဲ့အနက် ကာယာနုပဿနာ သတိပဌာန်မှာလည်း ကာယ (၆)မျိုး ရှိပါတယ်။
(၁) အာနာပါနကာယ
(၂) ဣရိယာပထကာယ
(၃) သမ္မဇညကာယ
(၄) ပဋိကူလမနသိကာရကာယ
(၅) ဓာတုမနသိကာရကာယ
(၆) န၀သိဝထိကကာယ တို့ပဲ ဖြစ်ပါတယ်။
အဲဒီ့မှာလည်း ၀ိပဿနာသက်သက် ကာယက (၃)မျိုး၊ သမထအခြေခံ ကာယက (၃)မျိုးဆိုပြီး ရှိပါတယ်။ ဣရိယာပထ၊ သမ္မဇညနဲ့ ဓာတုမနသိကာရကာယတို့က ၀ိပဿနာသက်သက် ကာယတွေဖြစ်ပြီး အာနာပါန၊ ပဋိကူလမနသိကာရနဲ့ န၀သိဝထိကကာယတို့က သမထအခြေခံ ကာယတွေ ဖြစ်ပါတယ်။ သန်လျင်တောရနည်းမှာတော့ ဓာတုမနသိကာရကာယ ကို အဓိကထားပြီး ရှုပါတယ်။ ဘာလို့လဲဆိုတော့ ဣရိယာပထမှာ သွားတယ်၊ ရပ်တယ်၊ ထိုင်တယ်၊ လျောင်းတယ်။ သမ္မဇညမှာ ကွေးတယ်၊ ဆန့်တယ် စတာတွေဟာ အားထုတ်သူရဲ့စိတ်မှာ ခြေထောက်၊ လက်၊ ကိုယ်ဆိုတဲ့ ပညတ်တွေ အထင်များနေတဲ့အတွက် စစချင်း ပျောက်အောင်ရှုဖို့ မလွယ်လို့ပါ။

သတိပဌာန်လေးပါးမှာ ကာယာနုပဿနာ သတိပဌာန်ဆိုတာက ရုပ်ကမ္မဌာန်းသက်သက်၊ ဝေဒနာနဲ့ စိတ္တာနုပဿနာက နာမ်ကမ္မဌာန်းသက်သက်၊ ဓမ္မာနုပဿနာက ရုပ်နာမ်ရောတဲ့ မိဿကကမ္မဌာန်း ဖြစ်ပါတယ်။ အကျဉ်းချုံးတော့ ရုပ်ကမ္မဌာန်း၊ နာမ်ကမ္မဌာန်းဆိုပြီး နှစ်မျိုးရှိပါတယ်။ သုတ်မဟာဝါ အဌကထာ (၃၁၄) အရ ဘုရားရှင်ဟာ ရုပ်ထင်ရှားတဲ့ ပုဂ္ဂိုလ်ဆိုရင် ဓာတ်ကြီးလေးပါး ရုပ်ကမ္မဌာန်း၊ နာမ်ထင်ရှားတဲ့ ပုဂ္ဂိုလ်ဆိုရင် နာမ်ကမ္မဌာန်း၊ နတ်တွေဆိုရင် နာမ်ကမ္မဌာန်း ပေးပါသတဲ့။ လူသားတွေအတွက် ရုပ်နဲ့ နာမ်မှာလည်း ရုပ်က ကြမ်းတမ်းတယ်။ ပေါ်လွင် ထင်ရှားတယ်။ သိလွယ်၊ မြင်လွယ်တယ်။ နာမ်က နူးညံ့ သိမ်မွေ့တယ်။ ရုပ်လောက် မထင်ရှားဘူး။ ရုပ်မှာလည်း စက္ခုပသာဒ၊ သောတပသာဒ၊ ရူပါရုံ၊ သဒ္ဒါရုံ စတဲ့ ဥပါဒါရုပ်တွေထက် ဓာတ်ကြီးလေးပါးဆိုတဲ့ မဟာဘုတ်ရုပ်တွေက ပိုထင်ရှားပြီး သိလွယ်ပါတယ်။ ဒါ့ကြောင့် သန်လျင်တောရနည်းမှာ ပေါ်လွင်ထင်ရှားလွန်းတဲ့ ဓာတ်ကြီးလေးပါး မဟာဘုတ်ရုပ်တွေကို စပြီး အရှုခံထားပြီး ရှုခိုင်းပါတယ်။

ဓာတ်ကြီးလေးပါးမှာလည်း ဝါယောဓာတ်ကို စရှုပါတယ်။ ၀ါယောဓာတ်က ကိစ္စကျယ်ပြန့်လွန်းလို့ ဖြစ်ပါတယ်။ ဝါယောဓာတ်ဆိုတာ တွန်းတဲ့သဘော၊ ထောက်ကန်ပေးတဲ့သဘောတွေပါပဲ။ တွန်းအား၊ ဆွဲအား၊ ထိန်းအားတွေပေါ့။ အဲဒါတွေ မပါဘဲနဲ့ ဘာမှ လုပ်လို့ မရပါဘူး။ လူတစ်ယောက်ရဲ့ ခန္ဓာကိုယ်မှာ ကြည့်မယ်ဆိုရင် လှုပ်ရှားမှု မှန်သမျှ ဝါယောဓာတ်ကြောင့်ချည်း ဖြစ်ရတာကို သတိထားမိပါလိမ့်မယ်။ ဝါယောဓာတ်ဖောက်ပြန်ပြီး လေဖြတ်သွားရင် မလှုပ်နိုင်တော့ပါဘူး။ စကားပြောတယ်။ ပါးစပ်လှုပ်တယ်။ မျက်စိတွေ ဟိုဘက်ဒီဘက် စောင်းကြည့်မယ်။ အားလုံး ဝါယောဓာတ်တွန်းအားကြောင့်ပါ။ ကိုယ့်ကိုယ်ကို လေဖြတ်နေသူ တစ်ယောက်အဖြစ် သဘောထားပြီး လက်လေးတစ်ချောင်းကို ဖြည်းဖြည်းလေး ကွေးကြည့်ပါ။ တွန်းအား အထပ်ထပ်ကို သတိထားမိပါလိမ့်မယ်။ ဒါက တွန်းဝါယောသဘောပါ။ ထိန်းဝါယောလည်း အတူတူပါပဲ၊ ဝါယောဓာတ် အားနည်းနေတဲ့ မွေးကင်းစ ကလေးလေးဟာ သူ့ခေါင်းကို ထောင်နေအောင် မထိန်းနိုင်သေးပါဘူး။ ကိုယ့်ဇက်ကို မတ်နေဖို့၊ ကိုယ့်ခါးကို မတ်နေဖို့၊ တစ်ကိုယ်လုံး မတ်နေဖို့ သတိထားပြီး ထိန်းကြည့်ပါ။ ခန္ဓာကိုယ် ပြင်ပမှာလည်း လှုပ်ရှားသွားလာနေတာတွေ အားလုံး တွန်းဝါယောကြောင့်ပါ။ ကားတွေလည်း တွန်းအားနဲ့ သွားတာပဲ။ လေယာဉ်ပျံတို့ ဒုံးပျံတို့ အာကာသယာဉ်တွေဆိုတာလည်း သိပ်ကို ကြီးမားတဲ့ တွန်းအားနဲ့ ရွေ့လျားနေကြတာပါ။ ဝါယောဓာတ်ဆိုတာ တကယ်တော့ FORCE ပါပဲ။

ဝါယောဓာတ်ကို ပိုင်ပိုင်နိုင်နိုင် ရှုပွါးနိုင်ပြီဆိုရင် လျောင်း၊ ထိုင်၊ ရပ်၊ သွား ဣရိယာပထ၊ ကွေး၊ ဆန့်၊ ရှေ့တိုး၊ နောက်ဆုတ် စတဲ့ သမ္ပဇည တွေဟာလည်း ၀ါယောဓာတ် ဦးစီးတဲ့အတွက် လွယ်လွယ်ကူကူ ရှုနိုင်ပါပြီ။ ဓာတ်တစ်ပါးကို ပရမတ် အနိစ္စထင်အောင် ပိုင်ပိုင်နိုင်နိုင် ပွါးနိုင်ရင် ကျန်တဲ့ဓာတ်သုံးပါးကလည်း မခက်ခဲတော့ပါဘူး။ ကျန်တဲ့ ဝေဒနာ၊ စိတ္တာ၊ ဓမ္မာနုပဿနာတွေလည်း ခဲယဉ်းခြင်း မရှိတော့ပါဘူး။ ဒါကြောင့် လွယ်လွယ်ကူကူ အနိစ္စ ထင်စေဖို့ ၀ါယောဓာတ်ကနေ စရှုပွါးပါတယ်။

သန်လျင်တောရနည်းမှာ ကာယာနုပဿနာ သတိပဌာန် ၀ါယောဓာတ်ကစပြီး သတိပဋ္ဌာန် (၄)ပါးလုံးကို ရှုတဲ့အခါ ရှုကွက်တွေက အများကြီးပါ။ တစ်ခုတည်းကို မူတည်ပြီး ရှုတာ မဟုတ်ပါဘူး။ စရိုက်အမျိုးမျိုး ရှိတဲ့အတွက် ရှုကွက်တွေ အများကြီး ဖြစ်နေရတာပါ။ တစ်ယောက်တည်းအတွက်ကတော့ ကိုယ်နဲ့ သင့်လျော်တာ တစ်မျိုးဆိုရင် လုံလောက်ပါတယ်။ ဘုရားရှင်မှတစ်ပါး သတ္တ၀ါတွေရဲ့ ဣနြေ္ဒစရိုက်ကို အတိအကျမှန်အောင် သိနိုင်တဲ့သူ မရှိတဲ့အတွက် ကိုယ်တိုင်ပဲ အားထုတ်ကြည့်ပြီး ရုပ်နာမ်ကို သိလွယ်မြင်လွယ်ရင် ကိုယ့်စရိုက်နဲ့ ကိုက်တယ်လို့ ဆုံးဖြတ်ချက်ချရမှာပါပဲ။

အပိုင်း(၂)ကို ဆက်ဖတ်ပါဦး။

[+/-] အပြည့်အစုံဖတ်မယ်...