နမော တဿ ဘဂ၀တော အရဟတော သမ္မာသမ္ဗုဒ္ဓဿ


အရှင်ကုမာရကဿပကလည်း မြို့စား.. သင့်အယူ ဖြစ်ရခြင်းရဲ့ တခြားအကြောင်း ရှိသေးသလားလို့ မေးပါတယ်။

မြို့- ရှိပါတယ် အရှင်မြတ်။ တစ်နေ့တုန်းက သူခိုးတစ်ယောက်ကို အပြစ်ပေးဖို့ အကျွန်ုပ်ထံ ခေါ်လာကြပါတယ်။ ဒါနဲ့ အဲဒီ့သူခိုးကို မသတ်ခင် အိုးထဲထည့် အဝကိုပိတ် သားရေအစိုနဲ့ကျက် မြေအစိုနဲ့လိမ်းပြီး မီးဖုတ်ခိုင်းလိုက်ပါတယ်။ သေလောက်တဲ့အခါ အိုးကိုဖြည်းဖြည်းလေးဖွင့်ပြီး သူခိုးရဲ့ ထွက်သွားတဲ့ အသက်ကို စောင့်ကြည့်ခဲ့ပါတယ်။ ဒါပေမယ့် ဘာမှ မမြင်ခဲ့ရပါဘူး။ ဒါ့ကြောင့်လည်း အကျွန်ုပ်ရဲ့ ဒီအယူက ဖြစ်ရတာပါ။

အဲဒီ့အခါ အရှင်မြတ်က အိပ်မက်ဥပမာပေးပြီး မေးခွန်းထုတ်ပြန်ပါတယ်။

(၇) အိပ်မက် ဥပမာ

ကု- မြို့စား.. နေ့ခင်းနေ့လည် အိပ်တဲ့အခါ ပျော်စရာကောင်းတဲ့ အိပ်မက်မျိုး မြင်မက်ဖူးသလား။

မြို့- မက်ဖူးပါတယ်။

ကု- အဲဒီ့လို အိပ်မက်မက်ပြီး အိပ်ပျော်နေတဲ့အခါ စောင့်နေကြရတဲ့ မောင်းမတွေက သင့်ရဲ့ ဝင်သက်၊ ထွက်သက်ကို မြင်ကြရသလား။

မြို့- မမြင်ကြရပါ။

ကု- မြို့စား.. အသက်ရှင်နေတဲ့ မောင်းမတွေတောင် သက်ရှိထင်ရှား သင့်ရဲ့ ၀င်သက်၊ ထွက်သက်ကို မမြင်ရရင် လူသေရဲ့ ထွက်သက်ကို သင် ဘယ်လိုလုပ် မြင်ရပါ့မလဲ။ ဒါ့ကြောင့် သင့်ရဲ့ အယူမှားကို စွန့်လိုက်ပါတော့။

မြို့- အရှင်မြတ် ဘယ်လိုပြောပြော အကျွန်ုပ်ရဲ့ အယူကို မစွန့်နိုင်ပါ။

ကု- မြို့စား.. ဒီအယူရဲ့ တခြားအကြောင်း ရှိသေးသလား။

မြို့- ရှိပါတယ် အရှင်မြတ်။ တစ်ခါက သူခိုးတစ်ယောက်ကို အပြစ်ပေးဖို့ အကျွန်ုပ်ထံ ခေါ်လာကြပါတယ်။ ဒါနဲ့ အဲဒီ့သူခိုးကို မသတ်ခင် အလေးချိန်ထားလိုက်ပါတယ်။ ပြီးမှ ထွက်သက်မရှိအောင် လည်ပင်းကို ကြိုးနှင့်ညှစ်ပြီး သတ်လိုက်ပါတယ်။ သေသွားတဲ့အခါ ထပ်ပြီး အလေးချိန်ကြည့်ပါတယ်။ အဲဒီ့မှာ ဘာတွေ့ရသလဲ ဆိုတော့ မသေခင်ကထက် ပိုပြီး လေးလည်းလေး၊ တောင့်လည်းတောင့် နေပါတယ်။ ဒါ့ကြောင့်လည်း အကျွန်ုပ်ရဲ့ ဒီအယူ ဖြစ်ရတာပါ။

အဲဒီ့အခါ အရှင်မြတ်က သံတွေခဲ ဥပမာနဲ့ မေးခွန်းထုတ်ပြီး ရှင်းပြန်ပါတယ်။

(ဂ) သံတွေခဲ ဥပမာ

ကု- မြို့စား.. ယောက်ျားတစ်ယောက်ဟာ တစ်နေကုန် မီးဖုတ်ထားလို့ ရဲရဲတောက်နေတဲ့ သံခဲကို အလေးချိန် ချိန်ပြီး မှတ်သားထားမယ်။ အဲဒီ့ သံခဲကိုပဲ အေးသွားတဲ့အခါ အလေးချိန် ထပ်ချိန်ကြည့်မယ် ဆိုပါစို့။ သံခဲပူနှင့် သံခဲအေး ဘယ်ဟာက ပိုပေါ့မလဲ။ ဘယ်ဟာက ပိုပျော့ပြီး ပြုပြင်လို့ ရမလဲ။

မြို့- အရှင်မြတ်.. သံခဲပူက အပူဓာတ်နှင့် လေဓာတ် ပေါင်းဆုံမိလို့ ပိုပေါ့ ပိုပျော့ပြီး အပြုအပြင် ခံပါတယ်။

ကု- မြို့စား.. ဒီလိုပဲပေါ့။ ဒီကိုယ်ဆိုတာ အသက်ကိုယ်ငွေ့နဲ့ အသိစိတ်ဝိညာဏ် ပေါင်းဆုံမိတဲ့အတွက် ပိုမိုပေါ့ပါး ပျော့ပြောင်းပြီး အပြုပြင်ခံနေတာ။ အသက် ကိုယ်ငွေ့၊ အသိစိတ်ဝိညာဏ်တွေနဲ့ ကင်းကွာသွားတဲ့အခါ ပိုလေးလံ ခက်မာလာပြီး ပြုပြင်လို့ မရတော့ဘူး။ ဒါ့ကြောင့် နောက်ဘဝရှိတယ် စတဲ့ မှန်တဲ့အယူကို ယူပါတော့။

မြို့- အရှင်မြတ် ဘယ်လိုပြောပြော အကျွန်ုပ်ရဲ့ အယူကို မစွန့်နိုင်ပါ။

ကု- မြို့စား.. သင့်အယူ ဖြစ်ရခြင်းရဲ့ တခြားအကြောင်း ရှိသေးသလား။

မြို့- အရှင်မြတ်.. ရှိပါတယ်။ တစ်ခါတုန်းက သူခိုးတစ်ယောက်ကို အရေထူ၊ အရေပါး၊ အကြော၊ အရိုးမပျက်စေဘဲ သတ်ဖို့၊ သေခါနီးမှာ သူခိုးကို ပက်လက်ထားပြီး အသက်ထွက်သွားတာကို စောင့်ကြည့်ဖို့ ခိုင်းလိုက်ပါတယ်။ ဒါပေမယ့် ဘာမှ မမြင်ကြရပါဘူး။ ဒါနဲ့ မှောက်လျက်၊ ဘယ်ညာတစောင်း၊ မတ်တပ်၊ စောက်ထိုးထား၊ လက်နဲ့ပုတ်၊ တုတ်နဲ့ရိုက်၊ ဓားနဲ့ခုတ် အမျိုးမျိုးလုပ်ပြီး အသက်ထွက်တာကို စောင့်ကြည့်ခိုင်းပါတယ်။ ဒါပေမယ့် အသက်ထွက်တာကို ဘယ်လိုမှ မမြင်ကြရပါဘူး။ အဲဒီ့ ခိုးသူမှာ မျက်စိလည်း ရှိပါတယ်။ ရူပါရုံလည်း ရှိပါတယ်။ ဒါပေမယ့် အဲဒီ့ အာရုံကို မခံစားနိုင်ပါဘူး။ တခြား နား၊ နှာ၊ လျှာ၊ ကိုယ်တွေနဲ့လည်း ဘယ်အာရုံကိုမှ မခံစားနိုင်ပါဘူး။ ဒါ့ကြောင့် နောက်ဘဝ ဆိုတာတွေ မရှိဘူးဆိုတဲ့ အကျွန်ုပ်ရဲ့အယူ ဖြစ်ရတာပါ။

အဲဒီ့အခါ အရှင်မြတ်က ခရုသင်းမှုတ်တဲ့ ယောက်ျား ဥပမာပေးပြီး ရှင်းပြန်ပါတယ်။

(၉) ခရုသင်းမှုတ်သူ ဥပမာ

ကု- မြို့စား.. ရှေးတုန်းက ခရုသင်းမှုတ်တဲ့ ယောက်ျားတစ်ယောက်ဟာ ခရုသင်းကို ယူပြီး တိုင်းစွန်ပြည်ဖျား ကျေးရွာတစ်ရွာကို သွားသတဲ့။ ရွာလယ်မှာ ရပ်၊ ခရုသင်းကို သုံးကြိမ်မှုတ်ပြီး ခရုသင်းကို မြေမှာ ချထားလိုက်တယ်။ ရွာသားတွေ စုဝေးရောက်လာပြီး ဘာသံလဲလို့ မေးတော့ ဒီခရုသင်းသံလို့ ဖြေတာပေါ့။ ဒီတော့ ရွာသားတွေလည်း ခရုသင်းကို ပက်လက်ထားပြီး 'မြည်လော့၊ မြည်လော့' လို့ ဆိုကြတယ်။ မမြည်တဲ့အခါ မှောက်ခုံ၊ တစောင်း၊ မတ်မတ်၊ စောက်ထိုးထား၊ လက်နဲ့ပုတ်၊ ခဲနဲ့ထု၊ တုတ်နဲ့ရိုက်၊ ဓားနဲ့ခုတ်၊ ဟိုဘက်၊ ဒီဘက် အပြန်ပြန် အလှန်လှန်ချပြီး 'မြည်လော့၊ မြည်လော့' လို့ ဆိုကြပြန်သတဲ့။ ဒါပေမယ့်လည်း မြည်မလာဘူး။ အဲဒီ့အခါ ခရုသင်းမှုတ်တဲ့ ယောက်ျားက ဒီလူတွေ မိုက်လိုက်တာလို့ တွေးပြီး ခရုသင်းကို ကောက်ယူ သုံးကြိမ်မှုတ်ပြပြီး ထွက်သွားပါတော့တယ်။ အဲဒီ့အခါကျမှ ရွာသားတွေက သြော်.. ခရုသင်းနဲ့ မှုတ်တဲ့ ယောက်ျား၊ မှုတ်ခြင်းနဲ့ လေတို့ ပေါင်းဆုံမိမှ အသံထွက်တာပါလားလို့ သဘောပေါက်သွားကြပါသတဲ့။ မြို့စား.. ဒီအတိုင်းပါပဲ။ ဒီကိုယ်ဆိုတာလည်း အသက်ကိုယ်ငွေ့ အသိစိတ်ဝိညာဏ်တို့ ပေါင်းဆုံမိမှ လျောင်းထိုင်ရပ်သွား ဆိုတဲ့ အမူအရာတွေနဲ့ မြင်ကြားနံစား စတဲ့ အာရုံခံစားမှုတွေကို ပြုလုပ်နိုင်တာပါ။ အသက်ကိုယ်ငွေ့ အသိစိတ် ဝိညာဏ်တွေ မရှိရင် ဘာမှ မလုပ်နိုင်၊ မခံစားနိုင်ပါဘူး။ ဒါ့ကြောင့် သေပြီး နောက်ဘဝ ရှိတယ် စတဲ့ မှန်တဲ့ အယူကို ယူပါ။

မြို့- အရှင်ကဿပ ဘယ်လိုပဲပြောပြော အကျွန်ုပ်ရဲ့ အယူကို မပြောင်းနိုင်ပါ။

ကု- တခြားအကြောင်းများ ရှိသေးသလား။

မြို့- ရှိပါတယ် အရှင်မြတ်။ တစ်ရက်တုန်းက သေဒဏ်ကျခံထားရတဲ့ သူခိုးတစ်ယောက်ကို အရေထူ၊ အရေပါးကိုခွါ၊ အသားကိုလှီး၊ အကြောကိုဖြတ်၊ အရိုးကိုပိုင်း၊ ရိုးတွင်းချဉ်ဆီကိုထုတ် စတာတွေ လုပ်ပြီး အသက်ကို ရှာကြည့်ခဲ့ပါတယ်။ ဒါပေမယ့်လည်း မတွေ့ရတဲ့အတွက်ကြောင့် နောက်ဘဝမရှိ၊ ကောင်းကံ၊ မကောင်းကံတွေရဲ့ အကျိုးမရှိဆိုတဲ့ အယူ ဖြစ်ရပါတယ်။

အဲဒီ့အခါ အရှင်မြတ်က မီးကို လုပ်ကျွေးတဲ့ ရသေ့ဥပမာပေးပြီး ရှင်းပြပြန်ပါတယ်။

(၁ဝ) မီးကို လုပ်ကျွေးသော ရသေ့ဥပမာ

ကု- ရှေးတုန်းက တောမှာနေပြီး မီးကိုလုပ်ကျွေးတဲ့ (မီးမငြိမ်းအောင်ထားရတဲ့) ရသေ့တစ်ယောက်ဟာ ခရီးသွား လှည်းသမားတွေ လှည်းစခန်း ချသွားတဲ့နေရာက စွန့်ပစ်ခံ ပက်လက်အိပ်တတ်ရုံ ကလေးတစ်ယောက်ကို ကောက်ယူ မွေးစားထားပါသတဲ့။ (၁ဝ)နှစ်၊ (၁၂)နှစ် အရွယ်လောက် ရောက်လာတော့ ရသေ့က ဇနပုဒ်တစ်ခုကို ခရီးသွားစရာရှိလို့ သူငယ်ကို မီးမငြိမ်းအောင် ဂရုစိုက်ဖို့၊ ငြိမ်းများသွားခဲ့ရင် ပဲခွပ်၊ ထင်း၊ မီးပွတ်တွေသုံးပြီး မီးရအောင် ပြန်လုပ်ဖို့ မှာပြီး ခရီးထွက်သွားပါတယ်။ သူငယ်ဟာ ကစားမက် နေတဲ့အတွက် မီးငြိမ်းသွားပါတယ်။ ဒါနဲ့ မီးပြန်ရဖို့ မီးပွတ် (မီးခြစ်)ကို ပဲခွပ်နဲ့ ရွေတယ်။ မရတာနဲ့ နှစ်စိတ်၊ သုံးစိတ်၊ လေးစိတ်၊ ငါးစိတ် အစိတ်စိတ် အမွှာမွှာ ခွဲတယ်။ မရတော့ ဆုံမှာ ထည့်ထောင်းတယ်။ မရပြန်တာနဲ့ လေပြင်းထဲမှာ ကြဲလွှင့်ကြည့်တယ်။ ဒါပေမယ့် မရတာက မရတာပါပဲ။ ရသေ့ ဇနပုဒ်က ပြန်ရောက်ပြီး အကြောင်းစုံကို သိရတော့ မိုက်လိုက်တာ။ ဘာ့ကြောင့် အဆင်အခြင်မရှိ မီးကို ရှာရသလဲ ဆိုပြီး မီးပွတ်ကိုယူ မီးမွှေးပြလိုက်ပါတယ်။ ပညာရှိဆိုတာ ဘယ်သူမှ မင်းလို မီးကိုမရှာဘူးလို့လည်း ဆိုပါသတဲ့။ အသင် မြို့စားကြီးလည်း ဒီလို ဖြစ်နေပြီပဲ။ အဆင်အခြင်မရှိ တခြားလောကကို ရှာနေပါ့လား။ ဒီအကျိုးမရှိတဲ့ အယူကို စွန့်လိုက်ပါတော့။

မြို့- အရှင် ဘယ်လိုပြောပြော ကျွန်ုပ်ရဲ့ အယူကို မစွန့်နိုင်ပါ။ ဘာ့ကြောင့်လဲဆိုတော့ ကျွန်ုပ် ဒီအယူကိုယူတာ ပသေနဒီ ကောသလမင်းကြီးလည်း သိပါတယ်။ တခြား မင်းတွေလည်း သိကြပါတယ်။ ဒီတော့ သူတို့ ကဲ့ရဲ့မှာ ကြောက်တာက တစ်ကြောင်း၊ အရှင်ဘုရားကို ချေပလို၊ ဆန့်ကျင်တုပြိုင်လိုတာက တစ်ကြောင်းကြောင့် ကျွန်ုပ်ရဲ့ အယူကိုပဲ ဆက်ယူမြဲ ယူနေမှာပါ။

အဲဒီ့အခါ အရှင်ကဿပက လှည်းမှူးကြီး နှစ်ယောက် ဥပမာပေးပြီး ရှင်းပြ ပြန်ပါတယ်။

(၁၁) လှည်းမှူးကြီး နှစ်ယောက်ဥပမာ

ကု- မြို့စား.. ရှေးက လှည်းတစ်ထောင်ကို လှည်းမှူး(၂)ယောက် ခေါင်းဆောင်ပြီး အရှေ့ကနေ အနောက်ကို ခရီးထွက်လာကြတယ်။ မြက်ထင်းရေ အခက်အခဲကြောင့် (၅ဝဝ)စီ နှစ်ဖွဲ့ ခွဲသွားဖို့ သဘောတူပြီး လှည်းမှူးတစ်ယောက် ခေါင်းဆောင်တဲ့ လှည်း(၅ဝဝ)က ရှေးဦးစွာ သွားနှင့်ပါတယ်။ အဲဒီ့အဖွဲ့ (၂)ရက်၊(၃)ရက် လောက် သွားမိတော့ အဝတ်စို၊ ဆံပင်စိုတွေနဲ့ ရွှံ့တွေကလည်း ပေနေတဲ့ မျက်လုံးနီနီ၊ အသားမည်းမည်း လူယောင်ဆောင် ဘီလူးတွေနဲ့ တွေ့ပါတယ်။ ဘယ်ကလာလို့ ဘယ်ကိုသွားကြမလဲ နှုတ်ဆက်စကား ပြောပြီး ရှေ့မှာ မိုးကြီးရွာထားလို့ မြက်ထင်းရေတွေ သိပ်ပေါနေတယ်။ လှည်းတွေ ဝန်ပေါ့သွားအောင် ပါလာတဲ့ မြက်ထင်းရေတွေ စွန့်ပြီး မပင်မပန်း သွားကြဖို့ ဆိုလာပါတယ်။ လှည်းမှူးမိုက်လည်း သူတို့ပြောတာ ယုံပြီး ပါလာတဲ့ မြက်ထင်းရေတွေ စွန့်ပစ်စေပြီး ခရီးဆက်ကြပါတယ်။ လှည်းစခန်း (၇)စခန်းလောက်သာ ရောက်လာတယ်။ ဘာမြက်ထင်းရေမှ မတွေ့ရတဲ့အတွက် လူတွေ နွားတွေ သေကြေ ပျက်စီး ကုန်ကြပါတယ်။ အဲဒီ့ကျမှ ဘီလူးတွေလာပြီး သူတို့ကို စားပစ်လိုက်ကြပါတယ်။ အရိုးပဲ ကျန်ပါသတဲ့။ ပထမလှည်းအဖွဲ့သွားပြီးလို့ အတန်ကြာတဲ့အခါ ဒုတိယလှည်းအဖွဲ့ ခရီးစထွက်ကြတယ်။ အဲဒီ့အဖွဲ့ကိုလည်း ဘီလူးတွေက အရင်အတိုင်း လှည့်စားကြပြန်ပါတယ်။ ဒါပေမယ့် ဒုတိယလှည်းမှူးက ပညာရှိတဲ့အတွက် သူတို့ရဲ့ စကားကို မယုံပါဘူး။ မြက်ထင်းရေတွေ မစွန့်စေဘဲ ခရီးဆက်ထွက်လာတော့ ဘီလူးစားခံထားရတဲ့ ရှေ့လှည်းအဖွဲ့ရဲ့ လူရိုး၊ နွားရိုးတွေကို တွေ့ရပါတယ်။ အဲဒီ့နောက် မိမိတို့လှည်းပေါ်မှာပါတဲ့ အဖိုးမတန်တဲ့ ပစ္စည်းတွေကို စွန့်၊ ရှေ့လှည်းအဖွဲ့က အဖိုးတန်ကုန်တွေကို တင်စေပြီး ခရီးဆက်ကြတော့တာပေါ့။ မြို့စား.. ဒီလိုပဲ သင်လည်း အဆင်အခြင်မရှိ တခြားလောကကို ရှာမယ်ဆိုရင် ပထမလှည်းမှူးမိုက်နဲ့ အဖွဲ့လိုပဲ သင်ရော၊ သင့်အယူကို လက်ခံသူတွေရော ပျက်စီးရလိမ့်မယ်။ ဒါ့ကြောင့် သင့်ရဲ့အယူမှားကို စွန့်လိုက်ပါတော့။ အကျိုးမဲ့တဲ့၊ ဆင်းရဲကိုပဲ ဖြစ်စေတတ်တဲ့ အယူမှားကြီးကို အကြာကြီး လက်ခံမထားပါနဲ့။

အဲဒီ့အခါ မြို့စားက အများသိပြီးဖြစ်တဲ့ သူ့အယူကို သူများကဲ့ရဲ့မှာ စိုးတာရယ်၊ အရှင်ကဿပကို ဆန့်ကျင်လိုတာရယ်ကြောင့် ဆက်ပြီး ယူနေဦးမှာပဲလို့ ဆိုပါတယ်။

ဒါနဲ့ မြို့စားကို အရှင်ကဿပက မစင်ထုပ် ဆောင်ယူသူ ဥပမာပေးပြီး ဆုံးမ ပြန်ပါတယ်။

(၁၂) မစင်ထုပ် ဆောင်ယူသူ ဥပမာ

ကု- မြို့စား.. ရှေးက ဝက်မွေးတဲ့ ယောက်ျားတစ်ယောက်ဟာ တခြား ရွာတစ်ရွာကိုသွားရင်း အဲဒီ့ရွာမှာ မစင်ခြောက်တွေ တွေ့တော့ ဝက်စာရပြီဆိုပြီး ၀မ်းသာအားရ အပေါ်ရုံ အဝတ်နဲ့ထုပ် ခေါင်းပေါ်ရွက်ပြီး ကိုယ့်ရွာကိုယ် ပြန်လာ ခဲ့ပါတယ်။ လမ်းမှာ မိုးကြီးမိတော့ သူ့တစ်ကိုယ်လုံး မစင်တွေ ရွှဲရွဲစိုနေတာပေါ့။ ဒါကိုမြင်တဲ့ သူများတွေက 'မင်း ရူးများနေသလား။ ဘာ့ကြောင့် မစင်ရည်တွေ အရွှဲခံပြီး ဒါကြီးကို ရွက်လာရတာလဲ' လို့ မေးကြတယ်။ အဲဒီ့တော့ 'ငါ မရူးဘူး၊ မင်းတို့ပဲ ရူးနေကြတာ။ ဒါတွေဟာ ငါ့ ဝက်စာတွေဆိုတာ နားမလည်ဘူးလား' လို့ ပြန်ပြောပါသတဲ့။ မြို့စား.. သင်လည်းပဲ မစင်ထုပ် ဆောင်သူနဲ့ အတူတူ ဖြစ်နေပြီ။ သင့်ရဲ့ အယူမှားကို စွန့်လွှတ်လိုက်ပါတော့။

မြို့စားကလည်း အများသိပြီးဖြစ်တဲ့ သူ့အယူကို သူများကဲ့ရဲ့မှာ စိုးတာက တစ်ကြောင်း၊ အရှင်ကဿပကို ဆန့်ကျင်လိုတာက တစ်ကြောင်းကြောင့် ဒီအယူကိုပဲ ဆက်ယူမယ်လို့ ဆိုပြန်ပါတယ်။

ဒါနဲ့ အရှင်ကဿပက အန်ကစားသူ ဥပမာ ပေးပြီး ဆုံးမပြန်ပါတယ်။

(၁၃) အန်ကစားသူ ဥပမာ

ကု- မြို့စား.. ရှေးတုန်းက အန်ကစားသမား နှစ်ယောက် အန်ကစားကြတော့ တစ်ယောက်က ရှုံးမည့်အန်ကို အမြဲပဲ မျိုမျိုချပါသတဲ့။ ဒီလို မျိုတာကို မြင်တဲ့ ဒုတိယ အန်သမားက 'မင်း နိုင်ပါတယ်။ မင်းရဲ့အန်တွေ ငါ့ကိုလည်း ပြပါဦး။ နတ်တင်ဦးမယ်' ဆိုပြီး အန်တွေကို ပထမလူ မသိအောင် အဆိပ်နဲ့ လိမ်းကျံပြီး ပြန်ပေးလိုက်တယ်။ ဆက်ကစားကြတော့ ပထမ အန်သမားဟာ ရှုံးမယ့်အန်တွေကို မျိုမြဲမျို နေပြန်ပါတယ်။ ဒီတော့မှ ဒုတိယ အန်သမားက ' ဟယ်.. အန်သမား ငညစ်ပတ်၊ အန်တွေမှာ အဆိပ်ပြင်းတွေ လိမ်းထားတာကို မင်း မသိ။ မင်းတော့ မကြာခင်ပဲ ဒုက္ခဆိုးကြီးနဲ့ တွေ့ရတော့မယ်' လို့ ဆိုပါသတဲ့။ မြို့စား.. သင်လည်း ပထမ အန်သမားမိုက်နဲ့ တူလှပါလား။ သင့်ရဲ့ အကျိုးမရှိတဲ့ အယူမှားကို စွန့်လွှတ် လိုက်ပါတော့။

ဒါပေမယ့် မြို့စားကတော့ အများသိပြီးဖြစ်တဲ့ သူ့ရဲ့အယူကို သူများကဲ့ရဲ့မှာ စိုးတာရယ်၊ အရှင်ကဿပကို ဆန့်ကျင်လိုတာရယ်ကြောင့် ဆက်ပြီးယူနေဦးမယ်လို့ ဆိုနေဆဲပါပဲ။

အဲဒီ့အခါ မြို့စားကို ပိုက်ဆံလျှော်ထုပ် သယ်ယူသူ ဥပမာနဲ့ ဆုံးမပြန်ပါတယ်။

(၁၄) ပိုက်ဆံလျှော်ထုပ် သယ်ယူသူ ဥပမာ

ကု- ရှေးက မိတ်ဆွေနှစ်ယောက်ဟာ ရွာဟောင်းတစ်ခုဆီ သွားပြီး စွန့်ပစ်ကျန်ရစ်ခဲ့တဲ့ ပစ္စည်းတွေကို ရှာဖွေကြပါတယ်။ အဲဒီ့မှာ ပိုက်ဆံလျှော်တွေကို တွေ့လို့ ထုပ်ပိုး ယူဆောင်လာကြပါတယ်။ ရှေ့ကို ခရီးဆက်ကြတော့ တခြားရွာဟောင်းတစ်ခုမှာ စွန့်ထားတဲ့ ပိုက်ဆံလျှော် ချည်တွေကို တွေ့ပြန်ပါတယ်။ ဒီတော့ တစ်ယောက်က တခြားသူကို 'ငါတို့ လျှော်တွေကို ယူလာကြတာ ချည်အတွက်ပဲ။ အခု ချည်တွေကို တွေ့ပြီဆိုတော့ ဒါတွေကို စွန့်ပြီး ချည်တွေကို ယူကြကုန်စို့' လို့ ဆိုပါတယ်။ အဲဒီ့အခါ ဒုတိယလူက 'ငါတို့ ဒါတွေကို အဝေးကြီးကနေ အပင်ပန်းခံပြီး သယ်လာရတာ၊ မစွန့်နိုင်ပါဘူး' ဆိုပြီး မစွန့်ဘဲ ဆက်သယ်ယူလာပါတယ်။ ပထမလူကတော့ လျှော်တွေကို စွန့်ပြီး ချည်တွေကို ယူခဲ့ပါတယ်။ ဆက်သွားကြတော့ တခြားရွာဟောင်းတစ်ခုမှာ ပိုက်ဆံလျှော် အထည်တွေကို တွေ့ကြပါတယ်။ ပထမလူက ချည်ကိုစွန့်ပြီး အထည်ကို ယူပေမယ့် ဒုတိယလူကတော့ ရှေ့ဆက်သွားပြန်တော့ ခုံလျှော်တွေကို တွေ့ကြပါတယ်။ ဒီနည်းနဲ့ ရှေ့ရှေ့ရွာတွေမှာ ခုံလျှော်ချည်တွေ၊ ခုံလျှော်အထည်တွေ၊ ဝါတွေ၊ ဝါချည်တွေ၊ ဝါချည်အထည်တွေ၊ သံတွေ၊ ကြေးတွေ၊ ခဲပုပ်တွေ၊ ဘင်တွေ၊ ငွေတွေ၊ ရွှေတွေကို တွေ့ကြပါတယ်။ တွေ့တိုင်း တွေ့တိုင်း ပထမလူက ညံ့တာကို စွန့်ပြီး ပိုကောင်းတာကိုပဲ ထုပ်ပိုးသယ်ဆောင်ပေမယ့် ဒုတိယလူကတော့ အဝေးကြီးကနေ ဒုက္ခခံ သယ်လာရတာဆိုပြီး ပိုက်ဆံလျှော်ထုပ်ကိုပဲ မစွန့်နိုင်၊ မလဲနိုင်ဘဲ သယ်ယူလာပါတယ်။ ကိုယ့်ရွာကိုယ် ပြန်ရောက်ကြတော့ ရွှေတွေ သယ်လာတဲ့သူရဲ့ မိဘဆွေမျိုးတွေက ဝမ်းမြောက်ဝမ်းသာ ချမ်းသာလို့ပေါ့။ ပိုက်ဆံလျှော်ကိုပဲ သယ်လာတဲ့သူရဲ့ မိဘဆွေမျိုးတွေကတော့ ကဲ့ရဲ့ပြစ်တင်ကြပါတယ်။ ဝမ်းမြောက် ဝမ်းသာ ချမ်းသာ မဖြစ်ကြရပါဘူး။ မြို့စား.. သင်လည်း ပိုက်ဆံလျှော်ကိုပဲ သယ်လာသူနဲ့ တူနေတဲ့အတွက် သင့်ရဲ့ အကျိုးစီးပွားမဲ့ ဖြစ်စေမယ့် အယူမှားကြီးကို စွန့်လိုက်ပါတော့။

အဲဒီ့အခါကျမှ မြို့စားက အရှင်ကဿပ အကျွန်ုပ်ဟာ အရှင်ဘုရားရဲ့ ပထမဆုံး ဥပမာနဲ့တင် သဘောပေါက် ကျေနပ်ပြီးသားပါ။ ကြည်ညိုခဲ့ပါတယ်။ ဒါပေမယ့် အရှင်ဘုရားရဲ့ ဥပမာဆန်းတွေကို ဆက်နာကြားချင်လို့ စကားကတ်နေခဲ့တာပါ။ အရှင်ဘုရားရဲ့ တရားတွေဟာ အလွန့်ကို နှစ်သက်စရာပါပဲ။ ဘုရား၊ တရား၊ သံဃာ ရတနာမြတ် သုံးပါးကို ကိုးကွယ်ဆည်းကပ်ပါပြီ။ ဒီနေ့ကစပြီး အသက်ထက်ဆုံး ဥပါသကာလို့ မှတ်တော်မူပါ။ အကျိုးစီးပွားရှိမယ့် ယဇ်ကြီးတစ်ခုလောက် ပူဇော်ချင်ပါတယ်။ အရှင်ဘုရား စီစဉ်ညွှန်ကြားပေးတော်မူပါ လို့ လျှောက်ထား တောင်းပန်ပါတယ်။

ကု- မြို့စား.. ကျွဲ၊နွား၊ ဆိတ်၊ ဝက် သတ္တဝါတွေကို သတ်ပြီး ပူဇော်တယ်ဆိုတာ အလွန်မှားပါတယ်။ အကျိုး မကြီးပါဘူး။ ဥပမာပြောရရင် မိုးခေါင်ပါတယ်ဆိုမှ သစ်ငုတ်၊ ဆူးငြောင့် မရှင်းရသေးတဲ့ မြေရိုင်းမှာ ကျိုးပဲ့ပုပ်ဆွေး, အနှစ်အဆံမပါတဲ့ မျိုးစေ့ကို သွားစိုက်ပျိုးရင် အကျိုးကြီး မရနိုင်သလိုမျိုးပေါ့။
သတ္တဝါတွေကို မသတ်ဘဲ နည်းမှန်လမ်းမှန် ယဇ်ပူဇော်နိုင်မှ အကျိုးကြီးပါတယ်။ ဥပမာဆိုရရင် မိုးလေ၀သ ကောင်းတဲ့အချိန် ရှင်းလင်း မြေသြဇာထည့်ပြီးသား မြေပေါ်မှာ အနှစ်အဆံရှိတဲ့ မျိုးစေ့ကောင်းတွေကို စိုက်ပျိုးလိုက်ရင် အကျိုး ကျေးဇူးကြီး ရနိုင်သလိုပေါ့။

အဲဒီ့အချိန်ကစပြီး ပါယာသိမြို့စားဟာ သမဏ၊ ဗြာဟ္မဏ၊ အထီးကျန်၊ သူတောင်းစားတွေကို အမြဲ လှူဒါန်းပါတော့တယ်။ ဒါပေမယ့် ပုံးရည်ဟင်းနှင့် ဆန်ကွဲထမင်းကိုပဲ လှူပါတယ်။ အညံ့စား အဝတ်တွေကိုပဲ လှူပါတယ်။ အဲဒီ့အလှူကို ဥတ္တရလုလင်က အုပ်ချုပ်ရပါတယ်။ အညံ့စားတွေကိုပဲ လှူနေရတဲ့ အတွက်ကြောင့် နောင်ဘဝမှာ ပါယာသိမြို့စားနှင့် မဆုံတွေ့ရစေဖို့ ဥတ္တရလုလင်က ဆုတောင်းပါတယ်။ ဒါကို ပါယာသိမြို့စား သိတော့ ခေါ်မေးပါတယ်။ အရှင်သာဆိုရင် ကိုယ်တိုင် သုံးဆောင်ဖို့ နေနေသာသာ ခြေဖျားနဲ့တောင် မတို့နိုင်တာတွေကို လှူလို့ ဒီဆုတောင်းရတာပါလို့ ဥတ္တရလုလင်က ဆိုပါတယ်။ ဒီတော့မှ ကိုယ်တိုင် သုံးဆောင်နေကျ အစားအသောက် အ၀တ်အထည်တွေကို လှူစေပါတယ်။

ပါယာသိမြို့စားဟာ အဲဒီ့လို အလှူကို မရိုမသေ လှူတာတွေ၊ ကိုယ်တိုင် မလှူတာတွေ၊ ပစ်ပစ်ခါခါ လှူတာတွေကြောင့် သေပြီးတဲ့နောက် အခြံအရံ မရှိတဲ့ သေရီသက ဗိမာန်မှာ စတုမဟာရာဇ်နတ်သား သွားဖြစ်ရပါတယ်။ အလှူကို စီမံရတဲ့ ဥတ္တရလုလင်ကတော့ မိမိလက်နဲ့ ကောင်းကောင်းမွန်မွန် တရိုတသေ လှူတဲ့ အတွက် သေပြီးနောက် တာဝတိံသာနတ်ပြည်မှာ ဖြစ်ပါတယ်။

အရှင်ဂဝံပတိ မထေရ်မြတ်ဟာ နေ့သန့်စင်ဖို့ ပရိသတ်ကင်းမဲ့တဲ့ သေရီသက ဗိမာန်သို့ အမြဲကြွလေ့ရှိပါတယ်။ တစ်နေ့မှာ ပါယာသိနတ်သားက မထေရ်ကို လာရှိခိုးပါတယ်။ ဘယ်သူလဲလို့ မေးကြည့်တော့ ပါယာသိမြို့စားပါလို့ လျှောက်ပါတယ်။ ဒါနဲ့ မထေရ်က ပါယာသိမြို့စားဆိုတာ အယူမှားပိုင်ရှင်ပဲလို့ ဆိုတော့ အရှင်ကုမာရကဿပ မထေရ်ကြောင့် အယူမှားကို စွန့်လွှတ်နိုင်ခဲ့ ပါတယ်လို့ ပြန်လျှောက်ပါတယ်။ ပြီးတော့ အလှူကို မရိုမသေ လှူခဲ့တဲ့အတွက် မိမိ ရတဲ့အကျိုး၊ အလှူကို ရိုရိုသေသေ လှူခဲ့တဲ့ ဥတ္တရလုလင် ရတဲ့အကျိုးတွေကို လျှောက်ထားပြီး အလှူကို မရိုမသေ လှူတာ၊ ကိုယ်တိုင် မလှူတာ၊ ပစ်ပစ်ခါခါ လှူတာမျိုးတွေ မလုပ်ဘဲ ရိုရိုသေသေ အလေးအမြတ်ထား လှူဖို့ လူတွေကို ပြန်တရားဟောပေးပါလို့ လျှောက်ထားပါတယ်။ အရှင်ဂဝံပတိ မထေရ်မြတ် ကလည်း အဲဒီ့တရားတွေကို အကြောင်းအကျိုးပြပြီး လူ့ပြည်မှာ ပြန်ဟောပြ ခဲ့ပါတယ်။

(မဟာဝဂ္ဂ ပါဠိတော်က ဒီပါယာသိသုတ္တန်ကို စဖတ်ဖူးကတည်းက အလွန်ကို သဘောကျခဲ့မိလို့ ပြန်မျှဝေလိုက်တာပါ။ ဘုရားရှင် လက်ထက်ကတည်းက နောက်ဘ၀ ရှိ၊ မရှိကို ကျယ်ကျယ်ပြန့်ပြန့်ကြီး research လုပ်သွားတဲ့ ပါယာသိ မြို့စားကြီးအကြောင်း စဉ်းစားမိရင် ခုခေတ် အနောက်နိုင်ငံသားတွေ၊ ရုပ်ဝါဒီတွေ၊ ဘာသာခြားတွေတောင်မှ နောက်ဘ၀ကို မယုံကြတာချင်း အတူတူ သူလောက် သုတေသန မလုပ်နိုင်၊ စကားမကတ်နိုင်ကြဘူးဆိုတဲ့ အတွေးတစ်စနဲ့ ပြုံးမိပါတယ်။ ဒို့က လက်တွေ့၊ မျက်တွေ့မဟုတ်ရင် အယုံအကြည် မရှိဘူး၊ ပုံပြင်တွေပဲ မှတ်တယ် ဆိုလေ့ရှိသူများ စဉ်းစားမိစေချင်ပါတယ်။ ခုခေတ်မှာ microscope နဲ့ကြည့်မှ မြင်နိုင်မယ့် သတ္တ၀ါလေးတွေကို ပကတိ မျက်စိနဲ့ မမြင်ရလို့ မရှိဘူး မပြောနိုင်သလိုပါပဲ။ ကိုယ်က မစွမ်းတာလား၊ သူက မရှိတာလား။ အင်း.. လက်တွေ့မှလို့ ထပ်ပြောချင်ရင်တော့ အဘိညာဉ် microscope ပိုင်ရှင်ဖြစ်အောင် အရင်လုပ်ပေါ့။ မျက်တောင်တစ်ဆုံး မကြည့်ဘဲ မျက်စိတစ်ဆုံး ကြည့်မိဖို့ အရေးကြီးပါတယ်။ မြို့စားရဲ့ ကတ်သီးကတ်သပ် တင်ပြချက်တွေကို ထိထိမိမိ ဥပမာတွေဆောင်ပြီး ဖြေရှင်းပေးသွားတဲ့ တရားအဆန်းတကြယ် ဟောနိုင်မှုမှာ ဧတဒဂ်ဘွဲ့ရ အရှင်ကုမာရကဿပ မထေရ်မြတ်ကြီးကိုလည်း အလွန်ပဲ ကြည်ညို အားကျမိပါတယ်။ စာရေးသူလည်း မေးခွန်းအခက်အခဲတွေ ဖြေရှင်းဖို့များ ကြုံလာ ရရင် အရှင်မြတ်ကြီးရဲ့ ဉာဏ်ရည်မျိုး ဆယ်ပုံတစ်ပုံလောက် ပိုင်ဆိုင်ခွင့် ရပါရစေ လို့တောင် ဆုတောင်းမိပါရဲ့။)

[+/-] အပြည့်အစုံဖတ်မယ်...

a

ဗုဒ္ဓလက်ထက်တော်အခါက ကောသလတိုင်း သေတဗျမြို့ကို အုပ်ချုပ်နေတဲ့ ပါယာသိမြို့စားဆိုတာ ရှိပါတယ်။ အဲဒီ့ မြို့စားကြီးမှာ အယူမှားတစ်ခု ရှိပါသတဲ့။ အဲဒါကတော့- 'တခြားလောကဆိုတာ မရှိဘူး။ (နောက်ဘဝမရှိ)။ သေပြီးရင် သတ္တဝါ တဖန်ပြန်မဖြစ်ဘူး။ (သေရင် ပြတ်တယ်)။ ကောင်းမှု, မကောင်းမှုတို့ရဲ့ အကျိုးဆိုတာ မရှိဘူး' လို့ပဲ ဖြစ်ပါတယ်။

တစ်နေ့မှာတော့ အရှင်ကုမာရကဿပ ခေါင်းဆောင်တဲ့ ရဟန်းတော်ငါးရာ ဒေသစာရီ လှည့်လည်ရင်းနဲ့ အဲဒီ့ သေတဗျမြို့ကို ရောက်လာပြီး မြို့ရဲ့ မြောက်ဘက် ယင်းတိုက်တောမှာ သီတင်းသုံး နေတော်မူကြပါတယ်။ အရှင်ကုမာရကဿပ ဆိုတာ ဥာဏ်ပညာ အလွန်ထက်မြက်ပြီး တရားအဆန်းတွေကိုလည်း ဟောတတ်ပါတယ်။ စကားပြော အလွန်ပြေပြစ်တဲ့ ရဟန္တာကြီး တစ်ပါးပါ။ ဒါ့ကြောင့် သေတဗျမြို့သားတွေဟာ အရှင်ကုမာရကဿပကို ဖူးမြော်ဖို့ မြို့မြောက်အရပ်ကို အစုလိုက် အဖွဲ့လိုက် သွားကြပါတယ်။

ဒါကို ပြသာဒ်ထက်ကနေ မြင်တဲ့ ပါယာသိမြို့စားက အရှင်ကုမာရကဿပ မြို့သူမြို့သားတွေကို တရားမဟောခင် သူ့ဝါဒကို တင်ပြချင်လို့ လိုက်ဦးမယ်၊ ခဏစောင့်ပါဦး ဆိုပြီး လိုက်သွားပါတယ်။

အရှင်ကုမာရကဿပထံ ရောက်တဲ့အခါ သူ့ရဲ့ဝါဒကို လျှောက်ထားပါတယ်။ အဲဒီ့အခါမှာ အရှင်မြတ်က ဒီလို အယူရှိသူမျိုး မကြုံဖူးဘူး။ ဘာ့ကြောင့် ဒီအယူကို ယူရတာလဲ။ သင့်ကိုပဲ ပြန်မေးရမှာပဲ ဆိုပြီး လ၊နေ ဥပမာဆောင်ပြီး မေးခွန်းမေးပါတယ်။

(၁) လနေ ဥပမာ

ကု- မြို့စားကြီး.. လ၊နေဆိုတာ ဒီလောကမှာ ဖြစ်တာလား၊ တခြားလောကမှာ ဖြစ်တာလား။ အဲဒါတွေဟာ နတ်တွေလား၊ လူတွေလား။

မြို့- အရှင်မြတ်.. လ၊နေဆိုတာ တခြားလောကမှာ ဖြစ်တာပါ။ နတ်တွေပါ။ လူ မဟုတ်ပါဘူး။

ကု- မြို့စား.. ဒါဆိုရင် တခြားလောကဆိုတာ ရှိတယ်။ သေပြီး တဖန်ပြန်ဖြစ်တယ်။ ကောင်းမှု၊ မကောင်းမှုတွေရဲ့ အကျိုးရှိတယ် ဆိုတဲ့ မှန်တဲ့ အယူကို ယူပါ။

မြို့- အရှင်မြတ် ဘယ်လိုဆိုဆို အကျွန်ုပ်ရဲ့ အယူကို မစွန့်နိုင်ပါဘူး။

ကု- မြို့စား.. ဒီအယူမှားကို ယူရခြင်းရဲ့ တခြားအကြောင်း ရှိသေးသလား။

မြို့- ရှိပါတယ် အရှင်မြတ်။ အကျွန်ုပ်ရဲ့ မိတ်ဆွေသားချင်းတချို့ဟာ မကောင်းတာ မှန်သမျှ အကုန်လုပ်ကြပါတယ်။ ဒါနဲ့ သူတို့ သေခါနီးမှာ သူတို့ဆီသွားပြီး မကောင်းမှုပြုရင် ငရဲကျမယ်လို့ တချို့ရဟန်းတွေ ဟောကြတယ်။ မင်းတို့ဆိုတာလည်း မကောင်းမှု မှန်သမျှ အကုန်လုပ်ထားတော့ သေရင် သေချာပေါက် ငရဲကျမှာပဲ။ ဒီတော့ ငရဲရောက်ရင် ငါ့ဆီ လာပြောကြပါဦး။ မင်းတို့ကို ငါယုံတယ် လို့ ပြောလိုက်ပါတယ်။ သူတို့ကလည်း စိတ်ချပါလို့ ဆိုကြပါတယ်။ ဒါပေမယ့် သေပြီးတဲ့နောက် ကိုယ်တိုင်လည်း တစ်ယောက်မှ ပြန်လာ မပြောကြပါဘူး။ လူလွှတ်ပြီးလည်း မပြောခိုင်းကြပါဘူး။ ဒါ့ကြောင့် အကျွန်ုပ်ရဲ့ နောက်ဘဝမရှိဆိုတဲ့ အယူ ဖြစ်ရတာပါ။

အဲဒီ့အခါ အရှင်မြတ်က ခိုးသူဥပမာဆောင်ပြီး ပြန်မေးခွန်းထုတ်ပါတယ်။

(၂) ခိုးသူ ဥပမာ

ကု- မြို့စား.. သူခိုးတစ်ယောက်ကိုဖမ်းပြီး သင့်ထံ ခေါ်လာတယ်။ သင်က အဲဒီ့သူခိုးကို လက်ပြန်ကြိုးတုပ်၊ ခေါင်းတုံးရိတ်၊ လမ်းဆုံမှာ စည်လည်၊ တောင်တံခါးကနေထုတ်ပြီး သူသတ်ကုန်းမှာ ခေါင်းဖြတ် သတ်စေလို့ အမိန့်ပေးလိုက်တယ်။ သင့်တပည့်တွေကလည်း သင်ခိုင်းတဲ့အတိုင်း လုပ်တယ် ဆိုပါတော့။ သတ်ခါနီးမှာ သူခိုးက မိဘဆွေမျိုးတွေနဲ့ ခဏလောက် တွေ့ပါရစေ၊ အကြောင်းကြားခဲ့ပါရစေလို့ တောင်းပန်ရင် ခွင့်ပြုနိုင်ပါ့မလား။ ငိုယိုတောင်းပန် နေတုန်းပဲ သတ်ပစ်မှာလား။

မြို့- တွေ့ ခွင့်ပေးမှာ မဟုတ်ပါ။ ငိုကြွေးတောင်းပန်နေတုန်းပဲ ခေါင်းဖြတ် သတ်ပစ် လိုက်ကြမှာပါ။

ကု- မြို့စား.. လူဖြစ်တဲ့ သူခိုးက လူဖြစ်တဲ့ သူသတ်ကိုတောင် တောင်းပန်လို့ မရရင် ငရဲကျသွားတဲ့ သင့် ဆွေမျိုး မိတ်ဆွေတွေက သင့်ထံခဏပြန်လာပြီး နောက်ဘဝရှိတယ်ပြောဖို့ ငရဲထိန်းထံ ခွင့်တောင်းလို့ ရနိုင်ပါ့မလား။ သင့် အယူမှားကို စွန့်ပြီး နောက်ဘဝရှိတယ်ဆိုတဲ့ မှန်တဲ့အယူကို ယူပါ။

မြို့- အရှင်မြတ် ဘယ်လိုပြောပြော အကျွန်ုပ်ရဲ့ အယူကို မပြောင်းနိုင်ပါ။

ကု- မြို့စား.. သင့်အယူ ဖြစ်ရတာ တခြားအကြောင်း ရှိသေးသလား။

မြို့- ရှိတာပေါ့ အရှင်မြတ်။ အကျွန်ုပ်ရဲ့ ဆွေမျိုး အပေါင်းအသင်းတချို့ဟာ မကောင်းတာ မလုပ်ဖူးကြပါဘူး။ ကောင်းတာတွေချည်း လုပ်ပါတယ်။ ကောင်းတာလုပ်တဲ့သူတွေ သေရင် နတ်ပြည် ရောက်တယ်လို့ တချို့ရဟန်းတွေ ဟောကြပါတယ်။ ဒါ့ကြောင့် သူတို့ သေခါနီးမှာ သွားပြီး မင်းတို့သေလို့ နတ်ပြည် ရောက်ရင် ပြန်လာပြောကြဦးလို့ သေချာမှာလိုက်ပါတယ်။ ဒါပေမယ့် ဘယ်သူမှ ပြန်လာမပြောကြပါဘူး။ ဒါ့ကြောင့် နောက်ဘ၀ဆိုတာကို အယုံအကြည် မရှိပါဘူး။

အဲဒီ့အခါ အရှင်ကုမာရကဿပက မစင်တွင်းမှာ နစ်တဲ့ ယောက်ျား ဥပမာနဲ့ မေးခွန်း မေးပြန်ပါတယ်။

(၃) မစင်တွင်း၌ နစ်မြုပ်သူ ဥပမာ

ကု- မြို့စား.. မစင်တွင်းထဲမှာ ခေါင်းပါမြုပ်နေတဲ့ ယောက်ျားတစ်ယောက်ကို ဆွဲထုတ် ရေမိုးချိုး သန့်ရှင်း မွှေးကြိုင်အောင်လုပ်၊ ဝတ်ကောင်းစားလှတွေ ဝတ်ဆင်ပေးပြီး ကာမဂုဏ်ငါးပါး ခံစားဖို့ ပြာသာဒ်ပေါ် တင်ထားလိုက်ရင် အဲဒီ့လူက မစင်တွင်းထဲကို နောက်ထပ်ဆင်းချင်ဦးမယ် ထင်သလား။

မြို့- ဘယ်ဆင်းချင်တော့ပါ့မလဲ။ ဒီလောက် ညစ်ပတ်နံစော် ရွံစရာ ကောင်းတာကို။

ကု- မြို့စား.. ဒီလိုပဲ။ နတ်တွေဘက်က ကြည့်ရင် လူတွေဟာ အလွန်ရွံစရာ ကောင်းတယ်။ ညစ်ပတ် နံစော်နေကြတာ။ နတ်တွေဟာ လူနံ့ကို ယူဇနာတစ်ရာ အကွာကတောင် မခံနိုင်ကြဘူး။ ဒါ့ကြောင့် နတ်ပြည် ရောက်မှတော့ ဘယ်သူက သင့်ထံ ဒုက္ခခံပြီး လာပြောနေမှာလဲ။ ဒီတော့ သင့်ရဲ့ နောက်ဘဝမရှိ စတဲ့ အယူမှားကို စွန့်လိုက်ပါ။

မြို့- အရှင်မြတ် ဘယ်လိုပြောပြော အကျွန်ုပ်ရဲ့ အယူကို မစွန့်နိုင်ပါ။

ကု- မြို့စား.. သင့်အယူ ဖြစ်ခြင်းရဲ့ တခြားအကြောင်း ရှိသေးသလား။

မြို့- အရှင်မြတ်.. ရှိပါတယ်။ အကျွန်ုပ်ရဲ့ ဆွေမျိုး မိတ်ဆွေတချို့ဟာ သူ့အသက် မသတ်ခြင်း စတဲ့ သီလတွေ စောင့်ကြပါတယ်။ သီလစောင့်တဲ့သူတွေသေရင် တာဝတိံသာနတ်တွေရဲ့ အပေါင်းအသင်းတွေ ဖြစ်ရတယ်လို့ တချို့ရဟန်းတွေ ဟောကြပါတယ်။ ဒါနဲ့ သူတို့ သေခါနီးမှာ သေပြီးရင် ဟုတ်၊မဟုတ် ပြန်လာပြောဖို့ သွားမှာလိုက်ပါတယ်။ တစ်ယောက်မှလည်း လာမပြောကြပါဘူး။ ဒါ့ကြောင့် အကျွန်ုပ်၏ နောက်ဘဝ မရှိစတဲ့ အယူ ဖြစ်ရပါတယ်။

အဲဒီ့အခါ အရှင်မြတ်က တာဝတိံသာနတ် ဥပမာပေးပြီး မေးခွန်းထုတ်ပြန်ပါတယ်။

(၄) တာဝတိံသာနတ် ဥပမာ

ကု- မြို့စား.. လူ့ပြည် အနှစ်(၁ဝဝ)ဟာ တာဝတိံသာနတ် တစ်ရက်၊ အဲဒီ့လို ရက်သုံးဆယ်ဟာ တစ်လ၊
အဲဒီ့လို (၁၂)လက တစ်နှစ်၊ အဲဒီ့လို အနှစ်(၁ဝဝဝ)ကျမှ တာဝတိံသာနတ်တွေရဲ့ အသက်ပါ။ သီလစောင့်လို့ တာဝတိံသာနတ်ပြည် ရောက်ရတဲ့သူဟာ ကာမဂုဏ်စည်းစိမ်ကို နှစ်ရက် သုံးရက် ခံစားပြီးမှ သင့်ထံ လာပြောမယ် ကြံရင် လာပြောနိုင်ပါ့မလား။

မြို့- မတွေ့နိုင်တော့ပါ။ သူလာမပြောခင်ကတည်းက အကျွန်ုပ်တို့ သေကုန်လောက် ပါပြီ။ ဒါပေမယ့် အရှင်မြတ်.. တာဝတိံသာနတ်တွေ ရှိတယ်။ အဲဒီ့နတ်တွေရဲ့ အသက်က ဒီလောက်လို့ အရှင့်ကို ဘယ်သူ ပြောသလဲ။ အဲဒီ့ နတ်တွေရှိတယ် ဆိုတာကို မယုံနိုင်ပါဘူး။

အဲဒီ့အခါ အရှင်မြတ်က ဝမ်းတွင်းကန်း ဥပမာပေးပြီး မေးခွန်းထုတ်ပြန်ပါတယ်။

(၅) ဝမ်းတွင်းကန်း ဥပမာ

ကု- မြို့စား.. ဝမ်းတွင်းကန်းတစ်ယောက်က ဖြူနီညိုရွှေ အရောင်တွေ၊ လနေ နက္ခတ်တွေကို မမြင်ရလို့ မရှိဘူးလို့ ပြောရင် မှန်နိုင်ပါ့မလား။

မြို့- အရှင်မြတ်.. ဖြူနီညိုရွှေ အရောင်တွေ၊ လနေ နက္ခတ်တွေဆိုတာ အမှန်တကယ်ပဲ ရှိပါတယ်။ အဲဒါကို မမြင်ရလို့ မရှိဘူးလို့ဆိုရင် မမှန်နိုင်ပါဘူး။

ကု- မြို့စား.. ဒီလိုဆိုရင် သင်လည်း ဝမ်းတွင်းကန်းနဲ့ တူနေပါရောလား။ တခြားလောက (နတ်ပြည်)ဆိုတာ သင်ထင်သလို ပကတိ အသားစိုင် မျက်စိနဲ့ မြင်ရတာမျိုး မဟုတ်ဘူး။ မမေ့မလျော့ ပြင်းစွာအားထုတ်ပြီး ဒိဗ္ဗစက္ခု အဘိညာဏ်ရမှသာ တခြားလောကတို့၊ ဘ၀သစ်သတ္တဝါတို့ ဆိုတာမျိုးက မြင်နိုင်တာ။ ဒါ့ကြောင့် သင့်အယူကိုစွန့်ပြီး တစ်ခြားလောကဆိုတာ ရှိတယ်။ သေပြီး တဖန်ဖြစ်တယ်။ ကောင်းကျိုး မကောင်းကျိုးရှိတယ်လို့ အမှန်အတိုင်း သိပါတော့။

မြို့- အရှင်မြတ် ဘယ်လိုပြောပြော အကျွန်ုပ်ရဲ့အယူကိုတော့ မစွန့်နိုင်ပါဘူး။

ကု- မြို့စား.. ဒီအယူဖြစ်ရတာ တခြားအကြောင်း ရှိသေးသလား။

မြို့- အရှင်မြတ်.. ရှိပါတယ်။ အသက်ရှည် ချမ်းသာလိုကြတဲ့ အကျင့်သီလကောင်းတဲ့ သူတွေကို မြင်ရတဲ့အခါ အကျွန်ုပ် တစ်ခုတွေးမိပါတယ်။ အကျင့်ကောင်းတဲ့သူတွေ သေလို့ ပိုကောင်းတဲ့ ဘဝကို ရမယ်ဆိုရင် သူတို့ ကိုယ့်ကိုယ်ကို ဘာလို့ သတ်မသေကြပါလိမ့် ဆိုတဲ့အတွေးပါ။ ဒါဟာ နောက်ဘဝ မရှိလို့ ဖြစ်မှာပဲလို့ အကျွန်ုပ် ယူဆပါတယ်။

အဲဒီ့အခါ အရှင်မြတ်က ကိုယ်ဝန်ဆောင် ပုဏ္ဏေးမ ဥပမာပေးပြီး ရှင်းလင်းပြန် ပါတယ်။

(၆) ကိုယ်ဝန်ဆောင် ပုဏ္ဏေးမ ဥပမာ

ကု- မြို့စား.. ရှေးက ပုဏ္ဏား တစ်ယောက်မှာ မယားနှစ်ယောက်ရှိတယ်။ တစ်ယောက်မှာ ၁ဝ/၁၂ နှစ် အရွယ် သားတစ်ယောက် ရှိတယ်။ ကျန် တစ်ယောက်ကတော့ ကိုယ်ဝန်အရင့်အမာကြီးနဲ့ မွေးဖွားခါနီးပေါ့။ အဲဒီ့ အချိန်မှာ ပုဏ္ဏား သေသွားတယ်။ ဒီတော့ သားဖြစ်သူက အဖေ့အမွေတွေ သူနဲ့ပဲ ဆိုင်တယ်ဆိုပြီး အမွေအားလုံးအပ်ဖို့ မိထွေးကို ပြောတယ်။ မိထွေးက မီးဖွားပြီးတဲ့အထိ စောင့်ပါဦး။ သားမွေးရင် တချို့တ၀က်တော့ ပေးပါ။ သမီးမွေးရင် မင်းနဲ့ပေးစားပါမယ်လို့ တောင်းပန်ပါတယ်။ ဒါပေမယ့် သားဖြစ်သူက အမွေအားလုံး သူပိုင်ကြောင်းပဲ (၂)ကြိမ်၊(၃)ကြိမ် ထပ်ပြောနေတော့ မိုက်မဲတဲ့ ပုဏ္ဏေးမငယ်ဟာ ကလေးမွေးစေဖို့ တိုက်ခန်းထဲဝင်ပြီး ဓားနဲ့ ဗိုက်ကိုခွဲပါသတဲ့။ အဲဒီတော့
စည်းစိမ်ဥစ္စာလည်း မရတော့ဘဲ ကလေးရော၊ လူကြီးပါ ပျက်စီးသွားရတာပေါ့။ သီလရှိတဲ့သူဆိုတာ ဒီပုဏ္ဏေးမလိုမျိုး မမိုက်ဘူး။ အချိန်ကျအောင် စောင့်တယ်။ အကျင့်ကောင်းတဲ့ သူတွေအဖို့ အသက်ရှည်လေ ကုသိုလ်တိုးလေပဲ။ အများ အကျိုးကို ပိုဆောင်နိုင်တယ်။ နောက်ဘဝမရှိလို့ ကိုယ့်ကိုယ်ကို သတ်မသေတာ မဟုတ်ဘူး။ ဒါ့ကြောင့် သင့်အယူကို စွန့်ပါ။

မြို့- အရှင်မြတ် ဘယ်လိုပြောပြော အကျွန်ုပ်ရဲ့ အယူကို မစွန့်နိုင်ပါ။

အပိုင်း (၂)ကို ဆက်ဖတ်ပါဦး။

[+/-] အပြည့်အစုံဖတ်မယ်...

အခွင့်ထူးခံ...။
6:58 PM | Author: Dhamma Yanant


" ခွင့်ထူးခံဘ၀ - ရခဲလှစွာ
သနားသူတိုက် - တရားဝေဖြာ
သာသနာကြိုက် - အမိုက်မပါ
ကျင့်ပါမှ - ခွင့်ထူးဝေကာဖြာ...။ "


ဘုရားပွင့်ခါ - ငရဲရွာနှင့်
တိရစ္ဆာန်၊ ပြိတ္တာ - ဘဝမှာ
မှတ်ပါ - ပြစ်သုံးခု။

ရုပ်သာနာမ်သာ - ရှိဗြဟ္မာနှင့်
တိုင်းဖျားစွန်ရွာ - ပစ္စန္တာ
ဖြစ်လာ - ပြစ်နှစ်ခု။

အယူမှားကာ - ဥာဏ်မပါနှင့်
သာသနာပ ခါ - လူဖြစ်လာ
ယူပါ - ပြစ်သုံးခု။

ရပ်ပြစ်ရှစ်ပါး - ထို့နောက်ပါးဝယ်
အခွင့်ထူးခံ - ဖြစ်နိုင်ဟန်ကား...


မှန်ကန်မြင့်မြတ် - ဓမ္မစက်ကို
မပြတ်ဥာဏ်တွင် - ထက်သန်ဖွဲ့ယှက်
သတိစွက်လျက် - အငှားခန္ဓာ
ပြန်လာမသိမ်း - နာ မကိန်းမီ
သစ္စာသိရေး - အားထုတ်ပေးလော့။

ဘ၀အနှစ် - ဥစ္စာစစ်ကို
ရှိုက်သံကင်းဝေး - ရနိုင်ရေးတွက်
ဘေးကိလေသာ - စွန့်ခွါရုန်းထွက်
ဖြစ်ပျက်ငြိမ်းရာ - အမြတ်ရှာ၍
ပေးခိုက်မယိမ်း - ရအောင်သိမ်းလော့။

ရိက္ခာကုသလာ - စုပြီးလျှင်ကား
ထားရာမနေ - စေရာမသွား
ချမ်းသာရှားသည့် - ဤရုပ်ခန္ဓာ
ဝင်္ကပါသည် - ခွင့်ထူးခံကာ - ထောက်ရာရသည်
သံသရာနောင်ရေး - စိတ်အေးတည်း...။
(အခွင့်ထူး = ဗုဒ္ဓုပ္ပါဒ နဝမခဏ)

[+/-] အပြည့်အစုံဖတ်မယ်...

ကြိုးစားထား...။
6:31 PM | Author: Dhamma Yanant


အလုပ်လုပ်ရင် .... စနစ်ကျမှ၊
အဓိက က .... ကိုယ့်စေတနာ၊
လောကဓမ္မာ .... ကြုံလာအမုန်းရပ်၊
အပြုံးမပျက်ဖို့လည်း .... ကြိုးစားထား။

ဘာမှ မလုပ်ရင် .... ဘာမှ မဖြစ်၊
တစ်ခုခုဖြစ်ချင် .... တစ်ခုခုလုပ်၊
မလုပ်မရှုပ် .... အပျင်းဇာတ်ဖြတ်လို့၊
ဘုန်းတက်ဖို့လည်း .... ကြိုးစားထား။

ဘာဖြစ်ချင်လဲ .... သေချာဆုံးဖြတ်၊
ဘာလုပ်နေလဲ .... သေချာသုံးသပ်၊
ဘဝတစ်ခုအတွက် .... အရှုံးအမြတ်၊
ရုန်းထွက်ဖို့လည်း .... ကြိုးစားထား။
အဆုံးသတ်ဖို့လည်း .... ကြိုးစားထား။

[+/-] အပြည့်အစုံဖတ်မယ်...


မြင်လျှင်မပြုံး၊ နှလုံးမသာ၊ မျက်နှာမပေး၊ ကျင့်ရေးဆန့်ကျင်၊ ရန်တွင်မှီခို၊ မိတ်ကိုကြဉ်ဖဲ၊ ဆဲသူကိုမ၊ ချီးမွမ်းကဖျက်၊ လျှို့ဝှက်မကြား၊ ၀ှက်ထားဖော်ဆို၊ မှုကိုပြစ်ရှာ၊ ပညာပြစ်တင်၊ ပျက်လျှင်ကြည်သာ၊ ပွါးလာမုန်းထား၊ စားထူးရမေ့၊ ရလေ့မတ၊ ဆယ့်ခြောက်ဝတွင်၊ အမိတ္တမူ၊ မိတ်ပြန်ယူပြီး၊ ဤသူကားရန်၊ ဤသူဟန်မူ၊ မိတ်မှန်အမြဲ၊ မချွတ်လွဲသည်၊ လူကဲခတ်၍ ပေါင်းလေသတည်း။
(ကင်းဝန်မင်းကြီး ကဗျာစု)


လောကရဲ့ သဘာဝကိုက ပြိုင်ဆိုင်မှုနဲ့ မကင်းပါဘူး။ ''မိမိမှတစ်ပါး အခြား'' ဆိုတာတွေ ရှိတဲ့နောက်မှတော့ အတွင်းကြိတ် ပြိုင်ဆိုင်မှုတွေ၊ သိသိသာသာ ပြိုင်ဆိုင်မှုတွေ ရှိတော့တာပါပဲ။ ကြီးပွါးတိုးတက်ရေးကို ဦးတည်တဲ့ ပြိုင်ဆိုင်မှုမျိုးကို ကြိုဆိုလက်ခံပြီး ဆုတ်ယုတ်ပျက်စီးမှုကို ခြေလှမ်းပြင်နေတဲ့ ပြိုင်ဆိုင်မှုမျိုးကို ဟန့်တားရပါမယ်။ လူရယ်လို့ ဖြစ်လာရင် တစ်ဦးတည်းသင်းကွဲ နေလို့မရတဲ့အတွက် မိတ်ဆွေအပေါင်းအသင်းတွေကတော့ အနည်းနဲ့အများ ရှိကြရမှာပါ။ အပေါင်းအသင်း အချင်းချင်းထဲမှာလည်း ကြိတ်ပြိုင်၊ ပေါ်တင်ပြိုင်ရင်းနဲ့ မိတ်ဆွေဘ၀ကနေ ရန်သူအဖြစ် ပြောင်းလဲသွားတာမျိုးတွေ ရှိပါတယ်။ ဒီလို ပြောင်းလဲတတ်တဲ့အတွက် ကိုယ်နဲ့ သိပ်ကြီးရင်းရင်းနှီးနှီးရှိပေမယ့် မိတ်ဆွေပါလို့ တစ်ထစ်ချ ပြောလို့မရတော့သလို သိပ်မခင်လို့လည်း ရန်သူစာရင်း သွင်းလို့မရနိုင်ပါဘူး။ ခွဲဖို့ သိပ်ခက်ပါတယ်။ ပြီးတော့ အယောင်ဆောင် မိတ်ဆွေဆိုတာ ရန်သူထက်တောင် ဆိုးတယ်မဟုတ်လား။ အချိန်မရွေး နောက်ကျောကို ဓားနဲ့ထိုးသွားနိုင်ပါတယ်။

ဗုဒ္ဓမြတ်စွာ ကိုယ်တော်တိုင်ကလည်း ကလျာဏမိတ္တ (မိတ်ဆွေစစ်)နဲ့ ပြည့်စုံခြင်းဟာ သံသရာဝဋ်ဒုက္ခမှ လွတ်မြောက်မှုအတွက် ရာနှုန်းပြည့် အရေးပါတယ်လို့ အရှင်အာနန္ဒာကို မိန့်ကြားတော်မူခဲ့ပါတယ်။ ပဌာန်း ပါဠိတော်မှာလည်း မိတ်ဆွေကောင်းကို လောကရေး၊ ဓမ္မရေးမှာ အလွန်စွမ်းအားကြီးမားတဲ့ အားထားမှီခိုရာ = ဥပနိဿယပစ္စည်းလို့ ဆိုထား ပါတယ်။ ဒီလောက်တောင် အရေးပါနေတဲ့ မိတ်ဆွေစစ်ကို ဘယ်လိုလုပ်ပြီး သိနိုင်ပါ့မလဲ။ သူ့စိတ်လည်း ကိုယ်ဝင်ကြည့်လို့မရ။ အပေါင်းအသင်းမှားသွားလို့ သောတာပန်မျိုးစေ့ကြီး ပါပါလျက်နဲ့ ငရဲမှာနစ်သွားရတဲ့ အဇာတသတ်လိုမျိုး ဖြစ်သွားရရင်လည်း ဒုက္ခ။ အင်း…။ သိပ်တော့လည်း စိတ်မပူပါနဲ့။ မိမိတို့က ဗုဒ္ဓရဲ့ တပည့်သားသမီး ဖြစ်တဲ့နောက်တော့ ပြဿနာတိုင်းအတွက် အဖြေရှိပြီးသားပါ။

ဗုဒ္ဓဟောကြားခဲ့တဲ့ ရန်သူ၊ မိတ်ဆွေ ခွဲခြားနည်းတွေထဲက မိတ္တာမိတ္တဇာတ်လာ နည်းကလေး တစ်ခုကိုပဲ လက်ဆောင်ပေးချင်ပါတယ်။ ရန်သူ့အင်္ဂါ (၁၆)ပါး၊ မိတ်ဆွေအင်္ဂါ (၁၆)ပါးရယ်လို့ ရှိပါတယ်။

ရန်သူ့အင်္ဂါ (၁၆)ပါးက -

(၁) ကိုယ့်ကိုမြင်လျှင် မပြုံးရွှင်။
(၂) ကိုယ့်အသံကြားသော်လည်း မနှစ်သက်။
(၃) မျက်လုံးချင်းပင် မဆုံချင်၊ မျက်နှာလွှဲ၏။
(၄) ကိုယ့်ကို အမြဲ ဆန့်ကျင်၏။
(၅) ကိုယ်နှင့် မတည့်သူတို့နှင့်သာ ပေါင်း၏။
(၆) ကိုယ်နှင့်တည့်သူတို့နှင့် မပေါင်း။
(၇) ကိုယ့်ကို ချီးမွမ်းလျှင် မကြိုက်၊ တားမြစ်၏။
(၈) ကိုယ့်ကို ဆဲရေးကဲ့ရဲ့လျှင် ကြိုက်၏။
(၉) ရန်သူတို့၏ လျှို့ဝှက်ချက်ကို ကိုယ့်ကို မပြော။
(၁၀) ကိုယ့်လျှို့ဝှက်ချက်ကို လျှို့ဝှက်မပေး။
(၁၁) ကိုယ့်အလုပ်ကို မချီးမွမ်း၊ အပြစ်ရှာ၏။
(၁၂) ကိုယ့်ပညာကို အသိအမှတ် မပြု။
(၁၃) ကိုယ်စီးပွါးပျက်လျှင် ၀မ်းသာ၏။
(၁၄) ကိုယ်စီးပွါးတက်လျှင် မနာလို၊ မရှုစိမ့်။
(၁၅) ကောင်းတာရလျှင် ကိုယ့်ကို သတိမရ။
(၁၆) ကိုယ်ဒုက္ခရောက်သော်လည်း မသနား၊ စိတ်မတုန်လှုပ်။
-တို့ ဖြစ်ပါတယ်။

မိတ်ဆွေအင်္ဂါ (၁၆)ပါးကတော့ -

(၁) ခွဲခွါနေရလျှင် အမြဲအောက်မေ့ သတိရ၏။
(၂) ကိုယ်ရောက်လာလျှင် နှစ်သက်သဘောကျ၏။
(၃) ကိုယ့်ကို အမြဲ ပျော်ရွှင်စေလို၏၊ ချစ်မြတ်နိုး၏။
(၄) ကိုယ့်အသံကြားလျှင် အမြဲ နှစ်သက်၏၊
(၅) ကိုယ့်မိတ်ဆွေများနှင့်သာ ပေါင်း၏။
(၆) ကိုယ့်ရန်သူများနှင့် မပေါင်း။
(၇) ကိုယ့်ကို ချီးမွမ်းလျှင် ထောက်ခံချီးမွမ်း၏။
(၈) ကိုယ့်ကို ဆဲရေးကဲ့ရဲ့လျှင် တားမြစ်၏။
(၉) ရန်သူတို့၏ လျှို့ဝှက်ချက်ကို ပြောပြ၏။
(၁၀) ကိုယ့်လျှို့ဝှက်ချက်ကို လျှို့ဝှက်ပေး၏။
(၁၁) ကိုယ့်အလုပ်ကို ချီးမွမ်းလေးစား၏။
(၁၂) ကိုယ့်ပညာ၊ စွမ်းရည်သတ္တိကို အသိအမှတ် ပြု၏။
(၁၃) ကိုယ်စီးပွါးပျက်လျှင် မနှစ်သက်။
(၁၄) ကိုယ်စီးပွါးတက်လျှင် ထပ်တူဝမ်းသာ၏။
(၁၅) ကောင်းတာရလျှင် ကိုယ့်ကို သတိရ၏။
(၁၆) ကိုယ်ဒုက္ခရောက်သော် စိတ်ချမ်းသာအောင် စောင့်ရှောက်၏။
- တို့ပဲ ဖြစ်ပါတယ်။

ဒီ (၃၂)ပါးသော လက္ခဏာတွေနဲ့ မိမိနဲ့ ပေါင်းသင်းဆက်ဆံနေသူများကို ရန်သူ၊ မိတ်ဆွေ ခွဲခြားကြည့်နိုင်ပါတယ်။ ဒီမှာကြည့်ရင် မိတ်ဆွေစစ်တစ်ယောက် ရဖို့အတွက် လောကီစည်းစိမ် အဆင့်အတန်းက ဘယ်နေရာကမှ အရေးမပါဘူးဆိုတာ တွေ့ရပါလိမ့်မယ်။ ငွေရှိရုံနဲ့ မဖြစ်နိုင်တဲ့အထဲမှာ မိတ်ဆွေစစ်ကလည်း ထိပ်ဆုံးကပေါ့။ မိမိပတ်ဝန်းကျင်မှာ ၀ိုင်းဝိုင်းလည်နေတဲ့ အပေါင်းအသင်းတွေထဲမှာ မိတ်ဆွေစစ် ဘယ်နှစ်ယောက်များပါသလဲလို့ ခွဲခြားကြည့်ရတာ စိတ်ဝင်စားစရာပါပဲ။

မိတ်ဆွေကောင်းနဲ့ ပေါင်းမိပါမှ သူတော်ကောင်းတရား နာရပါမယ်။ သူတော်ကောင်းတရား နာရပါမှ ကိုယ့်စိတ်ကိုယ် ကောင်းစွာထားတတ်ပါမယ်။ ကိုယ့်စိတ်ကိုယ် ကောင်းစွာထားတတ်ပါမှ ကုသိုလ်ဖြစ်ပါမယ်။ ကုသိုလ် တရားကသာလျှင် အရာရာအောင်မြင်စေတဲ့ အကြောင်းဆိုတော့ ဆန့်ကျင်ဘက် သံသရာစက်ကြီး လည်မလာခင် မြန်မြန်ပဲ ခွဲခြားစိစစ် စွန့်ထုတ်ပစ်လိုက်စမ်းပါ။

အဲ… ကိုယ့်အနေ ကိုယ့်ဘက်ကချည်း အားရပါးရ မကြည့်ဘဲ ကိုယ်ကရော…? ဆိုတဲ့ အတွေးလေး ၀င်ဖို့တော့ မမေ့စေနဲ့နော်။

[+/-] အပြည့်အစုံဖတ်မယ်...


မကောင်းတဲ့စိတ်ထားဟာ ပိုင်ရှင်ကို လူယုတ်မာ၊ လူ့အောက်တန်းစားဖြစ်အောင် ပြုတတ်ပါတယ်။ ကောင်းတဲ့စိတ်ထားကတော့ သူတော်ကောင်း၊ အထက်တန်းစားဖြစ်အောင် ပြုပေးပါတယ်။ ဒီတော့ လူ့လောကမှာ လက်ခံသုံးစွဲနေကြတဲ့ အထက်တန်းစား၊ အောက်တန်းစားဆိုတဲ့ အသုံးအနှုန်း တွေအတွက် မိမိစိတ်ကို ကောင်းအောင်ထားနိုင်ခြင်း ရှိ၊ မရှိ ပေတံနဲ့ တိုင်းတာသတ်မှတ်မှသာလျှင် တိကျမှန်ကန်နိုင်ပါမယ်။ ငွေကြေးဥစ္စာ ပိုင်ဆိုင်မှုပေါ် မူတည်ပြီး သတ်မှတ်ဖို့ မဖြစ်နိုင်ပါဘူး။ မကောင်းတဲ့ လောဘ၊ ဒေါသ၊ မောဟ၊ မာန အကုသိုလ်စိတ်တွေကို ထိန်းသိမ်းပြီး ကောင်းတဲ့ မေတ္တာ၊ ကရုဏာ၊ မုဒိတာ၊ ဥပေက္ခာ ကုသိုလ်စိတ်တွေ ပွါးများနိုင်ပါမှ အထက်တန်းစား လူကြီးလူကောင်းတွေ ဖြစ်ပါမယ်။

မိမိတို့ လျှောက်လှမ်းနေတဲ့လမ်းက အဆင်းလမ်း၊ အတက်လမ်းဆိုပြီး နှစ်မျိုးရှိပါတယ်။ ကိုယ့်စိတ်ကိုယ် အထိန်းအကွပ်မရှိ သတိလက်လွတ် လွှတ်ထားလို့ ဖြစ်ပေါ်လာတဲ့ အကုသိုလ်ဟာ ပြုထားသူကို အမြဲတမ်း အောက်တန်းကိုပဲ တွန်းပို့ပါတယ်။ မိမိစိတ်ကို ကောင်းအောင်ထားနိုင်စွမ်းရှိလို့ ပေါ်ပေါက်လာတဲ့ ကုသိုလ်တွေကတော့ ပိုင်ရှင်ကို အထက်တန်းကိုချည်း ဆွဲတင်ပါတယ်။ လက်သည်းခွံပေါ်က မြေမှုန့်နဲ့ မဟာပထ၀ီမြေကြီးကို နှိုင်းစာကြည့်ရင် ပမာဏ အလွန့်အလွန် ကွာခြားသလို တက်သူနဲ့ ဆင်းသူများဟာလည်း မြေမှုန့်နဲ့ မြေကြီးလိုပါပဲ။ မနှိုင်းယှဉ်သာအောင် ကွာခြားလွန်းလှပါတယ်။ ဒါဟာ ဘာကြောင့်လဲဆိုတော့ စိတ်ကိုထိန်းချုပ်ရတာထက် လွတ်လပ်ရတာက ပိုသက်သာတယ်ဆိုပြီး ခဏတာ ချမ်းသာကိုကြည့်ပြီး အဆင်းလမ်းကို ရဲရဲကြီးဆင်းနေကြမိလို့ပါ။ အဆင်းရဲလွန်းလို့ ဆင်းရဲတဲ့သူ များရတာပါ။

အထက်တန်းကို ရောက်ဖို့ဆိုတာ လျှောဆင်းလိုက်သလိုတော့ မလွယ်ပါဘူး။ တမင်ကို ကြိုးစားအားထုတ်ပြီး တက်နိုင်ပါမှ ရောက်နိုင်ပါတယ်။ ဒါတောင် တစ်လှမ်းစာပဲ အားထုတ်တက်ရင် တစ်လှမ်းစာပဲ ရောက်ပါမယ်။ ကိုယ့်စိတ်ကိုယ် သတိကပ်ပြီး ကုသိုလ်ဖြစ်အောင် ထားနိုင်ပါမှ အထက်ကို တက်နေတယ်လို့ ဆိုနိုင်ပါတယ်။ တစ်နေ့ တစ်နေ့ အမှုမဲ့ အမှတ်မဲ့ပဲ အချိန်တွေ ကုန်သွားပါတယ်။ ကုသိုလ်ကောင်းမှုလည်း ထူးမလုပ်မိပါဘူး။ အကုသိုလ်ရယ်လို့လည်း မယ်မယ်ရရ မရှိပါဘူးလို့ ဆိုလာသူများကတော့ တစ်လှမ်းချင်း ဆင်းနေသူတွေပါ။ မိုးလင်းကမိုးချုပ် လောဘဇော၊ ဒေါသဇော၊ မောဟဇောတိုက်ပြီး ကိုယ့်လောကီကိစ္စတွေကလွဲလို့ ဘာကိုမှ သတိမရသူများကတော့ အားရပါးရကြီးကို လျှောဆင်းနေကြတာပါ။ မိမိတို့လည်း တစ်နေကုန်မှာ ဘယ်နှစ်လှမ်းလောက် တက်မိလို့ ဘယ်နှစ်လှမ်းလောက်များ ဆင်းမိနေကြပါလိမ့်။

လောကမှာ ပွဲလမ်းသဘင် အခမ်းအနား တက်တော့မယ်ဆိုရင် ပရိသတ်အလယ်မှာ သိက္ခာရှိရှိ ၀င်ဆန့်တဲ့ အထက်တန်းစား လူရည်သန့်တစ်ယောက် ဖြစ်စေဖို့ မိမိကိုယ်ကို အကောင်းဆုံးဖြစ်အောင် မှန်ထဲမှာ ကြည့်ရှုပြင်ဆင်၊ ၀တ်ပုံစားပုံ အချိုးကျ၊မကျ သေချာဆင်ခြင်သလို မိမိရဲ့ သဒ္ဓါ၊ သီလ၊ သတိ၊ သမာဓိတွေကို အကောင်းဆုံးဖြစ်အောင် ပညာမှန်ထဲမှာ ကြည့်ရှုပြင်ဆင်၊ ကာယကံ၊ ၀စီကံ၊ မနောကံတွေ အချိုးကျ၊မကျ သေချာဆင်ခြင်ပြီးမှ သံသရာပွဲလမ်း အခမ်းအနား တက်မယ်ဆိုရင်တော့ အထက်တန်းစား ဘ၀ပိုင်ရှင်ချည်းပဲ ဖြစ်ရမှာပါ။

''သိကားသိ၏၊ မကျင့်မိ'' မဖြစ်စေဘဲ အထက်တန်းစား ပုဂ္ဂိုလ်များဖြစ်အောင် ဓမ္မသတိဖြင့် စွမ်းဆောင်ကျင့်နိုင်ကြပါစေ။

[+/-] အပြည့်အစုံဖတ်မယ်...

ဆန်သည့်ရေပူ
7:19 PM | Author: Dhamma Yanant


သားသမီးများ၊ လူလားမြောက်အောင်
နှစ်ယောက်မိဘ၊ စွမ်းနိုင်ကြ၏
မိဘနှစ်ယောက်၊ ၀မ်းရေးလောက်အောင်
ထောက်ပံ့သမှု၊ ကျေးဇူးပြုသည့်
သားသမီးများ၊ ခပ်ရှားရှား...။

သားသမီးလေး၊ ညစ်အကြေးကို
မရွံမရှာ၊ ပြုံးမျက်နှာဖြင့်
သုတ်သင်ခဲ့ရ၊ မိဘတို့မှာ
အိုနာနှိပ်စက်၊ သတိပျက်၍
လွတ်ထွက်ညစ်ကြေး၊ သုတ်သင်ပေးတော့
မသာမယာ၊ မျက်နှာရွဲ့ကာ
စေတနာမဲ့၊ အပြစ်ဖွဲ့၏...။

ရှုမငြီးသည့်၊ သားသားမီးမီး
တွတ်တီးတွတ်တာ၊ ပြောချင်ရာပြော
သဘောကျခဲ့၊ အိုချည့်ဖမိ
သတိအားနည်း၊ ပြောပြီးထပ်ခါ
နေရာတကာ၊ ၀င်ပါသည်ဟု
ငြူစူသမှု၊ ပြုလားပြုသည့်
သားသမီးများ၊ သတိထား...
သင်လည်း တစ်နေ့ အိုဦးမည်...။

[+/-] အပြည့်အစုံဖတ်မယ်...


ကြိုးစားမှုလည်း ရှိပါလျက်...

အကြံဉာဏ်လည်း ကောင်းပါလျက်...
အစစ အရာရာ မအောင်မမြင်၊ မချောမမော၊ အခက်အခဲမျိုးစုံကြုံပြီး အရှုံးတွေနဲ့ချည်း ရင်ဆိုင်နေရပြီဆိုရင် ကိုယ့်ကံကိုယ် စိစစ်ကြည့်ဖို့ လိုအပ်နေပါပြီ။

ခင်ပွန်းကြီး(၁၀)ပါးထဲက တစ်ပါးပါးကို ကာယကံ၊ ၀စီကံ၊ မနောကံ တစ်မျိုးမျိုးနဲ့ ပြစ်မှားခဲ့ဖူးရင် ဘယ်လောက်ပဲတော်တော် အောင်မြင်ကြီးပွါးမှာ မဟုတ်ပါဘူး။ ဒဏ်(၁၀)ပါး သင့်တတ်ပါတယ်။

ခင်ပွန်းကြီး(၁၀)ပါး ဆိုတာက -
• ဘုရား
• ပစ္စေကဗုဒ္ဓါ
• အဂ္ဂသာဝက+မဟာသာဝက
• ရဟန္တာ
• မိခင်
• ဖခင်
• ဆရာ
• သီလ၊ သမာဓိ၊ ပညာဂုဏ်ကြီးသူ
• တရားဟောပုဂ္ဂိုလ်
• ပေးကမ်းကူညီဖူးသူ - တို့ ဖြစ်ပါတယ်။

ဒဏ်(၁၀)ပါး ဆိုတာကတော့ -
• ဥစ္စာပျက်စီးခြင်း
• ဆွေမျိုးပျက်စီးခြင်း
• ကိုယ်ခန္ဓာပျက်စီးခြင်း
• ရူးသွပ်ခြင်း
• နူနာစွဲခြင်း
• အစွပ်စွဲခံရခြင်း
• မီးလောင်ခံရခြင်း
• ဖျားနာခြင်း
• ဒဏ်တပ်ခံရခြင်း
• တရားရှုံးခြင်း - တို့ပဲ ဖြစ်ကြပါတယ်။

သွေးအန်ဖြစ်လွယ်၊ ရောင်းဝယ်ရှုံးခြင်း၊ ချို့ယွင်းအင်္ဂါ၊ နူနာကုဌ၊ ရူးကြဖောက်ပြန်၊ မင်းဒဏ်သင့်ခန်း၊ ကြမ်းတမ်းစွပ်စွဲ၊ သေကွဲသားချင်း၊ ပျက်ခြင်းစည်းစိမ်၊ နေအိမ်မီးလောင်၊ ဒုက္ခကောင်သည်၊ လူ့ဘောင်ဒိဌ၊ တွေ့ကြုံရ၍၊
သေကငရဲ၊ ကမ္ဘာစွဲ၏။

အလွန်ကို ကြောက်စရာကောင်းပါတယ်။ ဒီဘ၀မှာ မပြစ်မှားမိပေမယ့် သံသရာကို ကိုယ်ပြန်မမြင်နိုင်ပါဘူး။ ဒီတော့ မိမိတို့အနေနဲ့ လောလောဆယ်မှာ ကံကောင်း နေသည်ဖြစ်စေ၊ ကံဆိုးနေသည်ဖြစ်စေ ခင်ပွန်းကြီး(၁၀)ပါးကို ၀န်ချတောင်းပန် လိုက်ခြင်းကြောင့် ဘာမှအကျိုးမယုတ်ပါဘူး။ ပဉ္စာနန္တရိယကံမှ ကျူးလွန်မထား မိဘူးဆိုရင် မဂ်တား၊ ဖိုလ်တား အန္တရာယ်အားလုံးကိုတောင် ပျောက်ကင်း စေနိုင်ပါတယ်။ ၀ဋ်နာ ကံနာရောဂါတွေရဲ့ ကုသဆေးလည်းဟုတ်၊ ကာကွယ် ဆေးလည်း ဟုတ်ပါတယ်။ ဒီတော့ ဘယ်လိုကုကြမလဲ။

ဒဏ်ကိုကုချင်ရင် ကံကိုပြုပြင်ပေးလိုက်ရုံပါပဲ။

မနက်အိပ်ယာထရင် -
• ဘုရား၊ ပစ္စေကဗုဒ္ဓါ၊ ရဟန္တာအရှင်မြတ်တို့၏ အနန္တသီလ၊ အနန္တသမာဓိ၊ အနန္တပညာတို့နှင့်တကွ သဗ္ဗညုတ ရွှေဉာဏ်တော်ကြီးကို အလှူခံအရာ ထားပြီး မျက်နှာသစ်တော်ရေ၊ သောက်တော်ရေ၊ ဆွမ်း၊ ပန်း၊ အလင်းတိုင်၊ အမွှေးတိုင်များ မိမိတို့ တတ်နိုင်သလောက် ကပ်လှူပူဇော်ပြီး ဒါန ပြုရပါမယ်။
• သရဏဂုံ ဆောက်တည်၊ ၅/၈/၉ပါး သီလ ခံယူပြီး လုံအောင်စောင့်ထိန်း ရပါမယ်။
• ဘ၀သံသရာ အဆက်ဆက်မှ ယခုအချိန်အထိအောင် ဘုရား၊ ပစ္စေကဗုဒ္ဓါ၊ ရဟန္တာအရှင်မြတ်များ၊ မိဘ ဆရာသမားများ၊ သူတော်စင် သူတော် ကောင်းများ၊ ကျေးဇူးရှင်များအပေါ်မှာ ကာယကံ၊ ၀စီကံ၊ မနောကံဖြင့် ပြစ်မှားမိခဲ့ဖူးသော အပြစ်များ ကျေပျောက်ပါစေခြင်းအကျိုးငှာ ၀န်ချ ကန်တော့ တောင်းပန်ပါ၏ လို့ အလေးအနက် ရှိခိုးတောင်းပန်ရပါမယ်။
• နောက်ဆုံးအနေနဲ့ မေတ္တာပို့ခြင်း၊ ဂုဏ်တော်ပွါးခြင်း၊ တရားထိုင်ခြင်း စတဲ့ ဘာဝနာ မှုတွေ ပြုလုပ်ပါ။

ဒီလိုနည်းနဲ့ ကံကိုပြုပြင်ပြီး ဒဏ်ကိုကုစားလိုက်မယ်ဆိုရင် အဆိုးတွေပပျောက်၊ အကောင်းဆုံးတွေချည်း ရောက်လာမှာ လုံးဝသေချာပါတယ်။ ဒီတော့ စာဖတ်သူ များလည်း ဆေးစသောက်ကြည့်လိုက်ကြရအောင်လား.....။

[+/-] အပြည့်အစုံဖတ်မယ်...

ဘ၀မှာ နေတတ်စေဖို့
6:41 PM | Author: Dhamma Yanant


ဘ၀ဆိုတာကတော့ ကောင်းတစ်ချီ ဆိုးတစ်လှည့်ပေါ့။ အမြဲတမ်းကြီး နေ့မဟုတ်သလို အမြဲတမ်းကြီးလည်း ညမဖြစ်ပါဘူး။ လောကထဲမှာ ရှိနေသရွေ့ကတော့ လောကဓမ္မဆိုတဲ့ လောကဓံတရားတွေနဲ့ ကြုံနေရမှာပါ။ အကောင်းလောကဓံ၊ အဆိုးလောကဓံ နှစ်မျိုးရှိတဲ့အထဲက အကောင်းများများ ကြုံရဖို့ကတော့ ဒါန၊ သီလ၊ ဘာဝနာ များများလုပ်ဖို့ပါပဲ။ ဒါနက ပြင်ပပစ္စည်း စိုက်ထုတ်ဖို့ လိုပေမယ့် ကျန်တဲ့နှစ်ခုကတော့ လုပ်ချင်စိတ်လေး ရှိရုံနဲ့ လုပ်လို့ရပါတယ်။ ဘာမှလည်း မကုန်ပါဘူး။ အကျိုးလည်း ပိုကြီးပါတယ်။ အဆိုးတွေနဲ့ ကြုံရတယ်ဆိုတာ ဘယ်သူ့ကြောင့်မှ မဟုတ်ပါဘူး။ ဘယ်သူ့ကိုမှ အပြစ်တင်လို့ မရပါဘူး။ အကုသိုလ်အကျိုး မပေးနိုင်လောက် အောင်ကို ငါ့ရဲ့ ကုသိုလ်တာရိုးက မလုံသေးပါလားလို့ပဲ မှတ်ရပါမယ်။ ပိုလုံအောင်၊ ပိုကောင်းအောင်ပဲ ကြိုးစားရပါမယ်။ ဒီလိုမှ မဟုတ်ဘဲ စိတ်တိုနေမယ်၊ စိတ်ဆင်းရဲနေမယ်ဆိုရင်တော့ အကုသိုလ်အတိုးယူသလို ဖြစ်နေမှာပါပဲ။ ဘ၀ထဲမှာ အလိုက်သင့်နေတတ်ဖို့က အလွန်ပဲ အရေးကြီးပါတယ်။ ဘာသာရေးအသုံးအနှုန်းနဲ့ ပြောရရင် ယောနိသောမနသိကာရ ရှိဖို့ပါ။ ခပ်ပေါ့ပေါ့ပြောရရင် အကောင်းမြင်တတ်ခြင်းပါ။ အဲဒါက ကုသိုလ် ဖြစ်ခြင်းရဲ့ အနီးဆုံး အကြောင်းပါပဲ။ မဂ်၊ ဖိုလ်ကိုတောင် ပေးနိုင်ပါတယ်။

ဥပမာဆိုရရင် လှိုင်းထန်တဲ့ ရေပြင်ကျယ်ကို လှေငယ်နဲ့ ဖြတ်ကူးတဲ့အခါ လှိုင်းရိုက်တာကို အလိုက်သင့်ခံပြီး လိုရာကို သွားတတ်ဖို့က အလွန်ပဲ အရေးကြီးပါတယ်။ ဒီလိုမှ မဟုတ်ဘဲ ကန့်လန့်ကြီး သွားခံမယ်ဆိုရင်တော့ ကိုယ့်လှေပဲ တစ်စစီဖြစ်ပြီး နစ်မြုပ်ဒုက္ခရောက်ရမှာပေါ့။ ဒီလိုပါပဲ လောကဓံ လှိုင်းထန်တဲ့ သံသရာရေကြောကို ဖြတ်တဲ့အခါမှာလည်း ပညာနဲ့ အလိုက်သင့်ခံပြီး လိုရာပန်းတိုင်ကို ရောက်အောင် သွားတတ်ရပါမယ်။ ကြားဖူးတဲ့ စကားလေး တစ်ခွန်းနဲ့ ခိုင်မာအောင် ပြောပါဦးမယ်။

စိတ်ဓာတ်မပြည့်ဝသေးတဲ့သူဟာ ပြဿနာတစ်စုံတစ်ခု ကြုံရရင် သူများကို အပြစ် တင်တတ်တယ်တဲ့။
အထိုက်အလျောက် ပြည့်ဝတဲ့သူကတော့ မိမိကိုယ်ကို အပြစ်တင်တတ်တယ်တဲ့။
လုံးဝပြည့်ဝပြီးသူများကတော့ ဘယ်သူ့ကိုမှ အပြစ်မတင်တော့ဘူးတဲ့။

လောကဓမ္မကို အမှန်အတိုင်း သိမြင်ပြီး မတုန်မလှုပ် လက်ခံသွားနိုင်တာပါ။ ဒါကို အလိုက်သင့် ခံယူတတ်တယ်လို့ ဆိုချင်တာပါ။ လောကမှာ အန္တရာယ်များတဲ့ ရေလမ်းခရီးကို သွားတဲ့အခါ ကိုယ့်လှေလေးကိုယ် အကောင်းဆုံးဖြစ်အောင်၊ ခိုင်သထက် ခိုင်အောင် ပြင်ဆင်၊ ရိက္ခာတွေ စိတ်တိုင်းကျ ဖြည့်တင်းပြီးမှ သွားကြသလို မိမိတို့ရဲ့ ရှေ့ဆက်ရမယ့် သံသရာခရီးကြီးအတွက် ပစ္စုပ္ပန်ဘ၀ ဆိုတဲ့လှေလေးကို ကုသိုလ်တရားတွေနဲ့ အကောင်းဆုံးဖြစ်အောင်၊ ခိုင်သထက် ခိုင်အောင် ပြင်ဆင်၊ ရိက္ခာတွေ ဖြည့်တင်းထား ရပါမယ်။ ရိုးရိုးခရီးက ကိုယ်စိတ်တိုင်းကျတဲ့နေ့မှ သွားလို့ရပေမယ့် သံသရာခရီးက ဘယ်အချိန် သွားရမယ်ဆိုတာ ကြိုမသိနိုင်တဲ့အတွက် အမြဲအသင့်ဖြစ်နေဖို့ အရေးကြီးပါတယ်။ သတိတရားလေး လက်ကိုင်ထားပြီး ကိုယ့်စိတ်ကိုယ် ကုသိုလ်ဖြစ်တိုင်း၊ အကုသိုလ်ဖြစ်တိုင်း အတတ်နိုင်ဆုံး သိနေပေးမယ်ဆိုရင် သတိပဌာန်တရား ပွါးများပြီးဖြစ်လို့ လှေကတော့ ခိုင်ပါပြီ။ ဒါန၊ သီလ ရိက္ခာတွေပါ တင်ထားပြီးပြီဆိုရင်တော့ ကိုယ့်ကိုယ်ကို အစိုးမရတဲ့ဘ၀မှာ သူက ဘယ်အချိန် လာထွက်ခိုင်း၊ ထွက်ခိုင်း ကျေကျေနပ်နပ်ကြီး သွားလို့ရပြီပေါ့။

စာဖတ်သူများအားလုံး ဘ၀ထဲမှာ အလိုက်သင့် နေတတ်ထိုင်တတ်ရှိနိုင်ကြပါစေ။

[+/-] အပြည့်အစုံဖတ်မယ်...